Mitengo 20:4 - Bhiblia Yo Sawuleka

⁴ Se ngu kutxani mi nga neha msengeletano wa Mkoma amu txiwulani, kasi ku ta fela muwa, nguko athu ni sifuyo sathu kha hi nga ni mati kani?

Mitengo 20:4 Referans Kwoze

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Mithumo 7:35

“Mosi wuwa ngene wu va nga mkanyisa, va txi kha vona: ‘I mani wu a nga kumaha mfumeli ni mlamuli wathu kani?’ ” Ngene wu a nga rumwa ngu Txizimu kumaha mfumeli ni mtiruli wawe, ngu mtamo wa ngelozi yi yi nga mu humela txipoponi.

Masalmo 106:21

Va divate Txizimu, Muhanyisi wawe, atxi txi nga va mahela sixamaliso ditikoni ka Egipta.

Mitengo 16:41

Aniko mangwanani ka kona, wotshe msengeletano wa vanana va ka Israyeli, wu to ngungurukela wu wukela Mosi ni Aroni, wu txi kha wona: “Anu mi date vathu va Mkoma.”

Mitengo 11:5

Athu hi alakanya sihaka si hi nga txi dya walo ngu kuranda kwathu kona Egipta, mapswani, magamba, nyala, ni txinyalana.

Eksodha 16:3

Vanana va ka Israyeli va va gete va txi kha vona: “I ti txhuko idiku Mkoma a ti hi date ngu dianza dakwe ditikoni ka Egipta, nguko hi ti khalahatshile hafuhi ka tikhadi ta nyama, mbimo yi hi nga ti ti dya sakudya hi khura! Aniko anu mi hi tisile txiwulani muwa, kasiku dibutho diya mi txi di daya ngu nzala.”

Eksodha 5:21

Va to va gela va txi kha vona: “Mkoma a na mi wonisise a txi mi thethisa! Nguko mi hi mahete dibava masoni ka Faro ni masoni ka sithumi sakwe, mi vekile ditxhari manzani kwawe kasi va txi hi daya ngu dona!”

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Valamuli 11:16

Txikhati txi va ka Israyeli va nga huma ngu Egipta, va to tsimbila ngu mu txiwulani kala va txi hoka Lineneni ko Bhilivila, va txi ya hoka ni Kadhesi.

Mitengo 11:20

Se nga ha mi nga kanyisa Mkoma, mi na dya nyama mtxima wotshe, kala nyama yiza yi pfhuruka ngu tithonvuni kwanu, miza mi xamuka ngu yona. Ni kambe mi dite, mi txi khanu, ngu kutxani hi nga huma ditikoni ka Egipta kani?