Mitengo 20:27 - Bhiblia Yo Sawuleka

²⁷ Mosi a to maha madingano ni ti Mkoma a nga mleleta tona; nguko va to kwela mmangoni ka Hori, va txi wonwa ngu msengeletano.

Mitengo 20:27 Referans Kwoze

Mitengo 20:26

Se u na thavisa syambalo sa Aroni, u ambeka mwanana wa kona Eleyazari; se ene Aroni a na ya ti tshanganisa ni va ka kwawe, nguko ngu koneyo a no fela kona.

Mitengo 20:28

Se Mosi a to thavisa syambalo sa Aroni, a txi ambeka Eleyazari. Aroni a to fela konaho txitimwi ka mmango. Se Mosi ni Eleyazari va to txhika hahatshi.

Mitengo 21:4

Sekoko va to khukha mmangoni ka Hori, ngu nzila ya Linene lo Bhilivila, va txi rendeleka ditiko da Edhomi; kambe ngu kulapha ka mnava, vathu va to guma mtamo, ve rereka ngu nzala.