Mitengo 20:24 - Bhiblia Yo Sawuleka

²⁴ Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Mitengo 20:24 Referans Kwoze

Genesisi 25:8

Abrahamu a to ningela muhefemulo wakwe, a fite a di kumbile ngutu, i di txikhovana, a to ya tshangana ni va ka kwawe.

Dhewuteronome 32:50

U na ya fela ka wona mmango wule, u no kwela ka wona, kasi ku u txi ya tshangana ni va ka kwanu, kufana ni mwananu Aroni, a nga fela mmangoni ka Hori, a txi amukelwa ngu va ka kwawe.

2 Makronika 34:28

Na ku tshanganisa ni vatate vako, u tshotshwa ngu kuthutha dithithani kwako, maso ako manambi kuwona kotshe kubiha ku ni no kunaheta txitimwi ka wukhalo wuwa ni ka vathu va kona. Se va to tshumela ni xamulo yiya veya gela mfumeli.

Mitengo 31:2

Photela vanana va ka Israyeli ka Vamidhiyani; msana keto u na tsuliswa ka vathu vako.

Mitengo 27:13

Sekoko u ti di woni, u na tshumetelwa ka vakwanu, nga ti a nga mahiswa tona mwananu Aroni.

Valamuli 2:10

Kambe li to sengeletwa lotshe liveleko lile ka vatate va lona, se msana ka kufa ka Joxuwa, ku to humelela limwani liveleko, li nga si zivi Mkoma, hambi kuziva ni ka kudotho mthumo wu a nga wu maha ka Israyeli.

Mitengo 4:27

Yotshe mithumo ya vanana va ka Gerisoni, ka totshe ti ti va lumbako; kuxayisa, va na ti maha ngu kurumwa ngu Aroni ni vanana vakwe.

Genesisi 49:33

Ngako Jakobe a di gwitile kuninga sileleto ka vanana vakwe, a to peta minenge yakwe ha m'bhedhuni, efa eya tshangana ni va ka kwawe.

Genesisi 49:29

Ngu msana a to va ninga sileleto, a txi khene: Ani na tsula ni txi ya tshangana ni va ka kwathu. Ni tshotsheni kumweko ni vatate vangu, ka diphala di di ku thembweni ka Efroni, Muheti,

Genesisi 35:29

Se Isaake, msana ka kuva a di kumbile, to fa, eya ti patanisa ni va ka kwawe, i di txikhovana, na a di hanyile masiku o tala, se vanana vakwe, Esawu ni Jakobe, va to mtshotsha.

Genesisi 25:17

Ngu yiya tanga ya kuhanya ka Ismayeli: 137 wa malembe, se a to ningela muhefemulo wakwe, efa, eya ti patanisa ni va ka kwawe.

Genesisi 15:15

Se awe u na tshumelela ngu kuthutha ka vatate vako; u na ya tshotshwa, u di kumbile ngutu.

Eksodha 17:7

Se wukhalo wule a wu rayile ditina daku Masa ni Meribha, ngu mhaka ya ku phikiza kwawe vanana va ka Israyeli ni mhaka ya kuduka Mkoma, va txi kha vona: “Ina Mkoma waho mwendo kha nga ho hagari kwathu kani?”

Mitengo 20:5

Se njani mi nga hi humisa Egipta mi hi tisa ka ditiko da txisapa nga tiya, adi di si miliko timbewu, kha di na mikuwu mwendo mivhinya, ni miromani, hambi ni mati o sela kani?

Mitengo 20:26

Se u na thavisa syambalo sa Aroni, u ambeka mwanana wa kona Eleyazari; se ene Aroni a na ya ti tshanganisa ni va ka kwawe, nguko ngu koneyo a no fela kona.

Dhewuteronome 33:8

Ngu didhawa da Levhi, ene a ti khene: Simaha sako so sawuleka sa Tumime ni Urime, si ningetwe ka msawuleki walo, awule a nga m'duka kona Masa, awule u nga kanetisana nayo matini ka Meribha;

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.