Mitengo 20:20 - Bhiblia Yo Sawuleka

²⁰ “Kambe Edhomi a ti khene kwakwe: Lambi khu na mbi pinda!” Se Edhomi a to khukha a txi m'hingeta, a di ni vathu va mtamo ngutu.

Mitengo 20:20 Referans Kwoze

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.

Valamuli 11:17

Se va ka Israyeli va rumete mitumi ka mfumeli wa Edhomi, kasiku veya m'gela ku kha vona: “Ha kombela ti to hi pinda ngu mu ditikoni kwako!” Aniko mfumeli wa va ka Edhomi, kha lava kuengisa txilo. Vona va to rumela mitumi kambe ka mfumeli wa Mowabhi, aniko nene a to lamba. Se va ka Israyeli va to simama ve zumba ditikoni ka Kadhesi.

Masalmo 120:7

Ani ni dikhile, ngu kuva ni womba-womba, vona se va mndani ka yimbi!

Valamuli 11:20

Aniko Seyoni a to kaneta mapswi a txikombelo txa va ka Israyeli, kha tumela ti to ve pinda ngu ditikoni kwakwe, a to sengeleta dotshe dibutho dakwe da yimbi, a txi ya gova Jahaza, e yalwa ni va ka Israyeli.

Mitengo 20:18

Kambe Edhomi a ti khene kwakwe: “Khu na mbi pinda ngu ditikoni kwangu, nguko u txo singita u maha eto, ani ni na ku xomela matxhari, ni kuhingeta.”

Genesisi 32:6

Mitumi yi to wuya ka Jakobe yi ta womba tiya: “Hi hokile ka mkomwako Esawu. Se nene wata, wa kuhingeta, ana ni 400 wa vavamna.”

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Mitengo 20:21

Nga ha Edhomi a nga lambela va ka Israyeli kupinda ngu ditikoni kwakwe, Israyeli a to jika ngu yimwani nzila.