Mitengo 20:18 - Bhiblia Yo Sawuleka

¹⁸ Kambe Edhomi a ti khene kwakwe: “Khu na mbi pinda ngu ditikoni kwangu, nguko u txo singita u maha eto, ani ni na ku xomela matxhari, ni kuhingeta.”

Mitengo 20:18 Referans Kwoze

Mitengo 24:18

Se Edhomi a na va i di thomba, Seyiri nene a na va thomba yo salela valala vakwe; koko Israyeli a na kombisa mtamo wakwe.

Mitengo 20:19

Vanana va Israyeli va to engeta va txi kha vona: Athu hi na tsimbila ngu nzila ya digondo; hi txi dhuka hi txi sela mati ako, athu ni sifuyo sathu, hi na kudihela ngu mtengo wa wunene; hi leke hi pinda ngu mikondo dwe.

Mitengo 20:20

“Kambe Edhomi a ti khene kwakwe: Lambi khu na mbi pinda!” Se Edhomi a to khukha a txi m'hingeta, a di ni vathu va mtamo ngutu.

Mitengo 21:4

Sekoko va to khukha mmangoni ka Hori, ngu nzila ya Linene lo Bhilivila, va txi rendeleka ditiko da Edhomi; kambe ngu kulapha ka mnava, vathu va to guma mtamo, ve rereka ngu nzala.

Mitengo 21:23

Kambe Sihoni kha nga tumela ti to Israyeli e tshawunyeta mihingano yakwe; konaho Sihoni a to xomisa vathu vakwe, va txi tsula txiwulani ve hingeta Israyeli; va to hoka Johaza, va txi ya manana kona, velwa ni Israyeli.

Dhewuteronome 2:29

Nga ti vanana va ka Esawu va nga ni tumelela, avale va nga aka Seyiri, ni va ka Mowabhi va nga aka Are, kala ani ni txhatuka Jordhani, ni wulela ka ditiko diya Mkoma, Txizimu txathu, a nga hi ninga.”