Mitengo 20:15 - Bhiblia Yo Sawuleka

¹⁵ Vatate vathu i ti valuveli kona Egipta, na athu hi di zumbile malembe o tala Egipta; va to hi xanisa athu ni vatate vathu.

Mitengo 20:15 Referans Kwoze

Dhewuteronome 26:6

Aniko Vaegipta, va hi xuphile ni ku hi xanisa, va txi hi thumisa mithumo ya wukhumbi yo nemela.

Eksodha 12:40

Vanana va ka Israyeli va zumbile ditikoni ka Egipta mtengo wa 430 wa malembe.

Genesisi 46:6

Vona va tekile mitxhambi yawe ya sifuyo ni sotshe si va nga ti si mani ditikoni ka Kanana, ve tsula naso ditikoni ka Egipta ene Jakobe ni lotshe liveleko lakwe.

Mithumo 7:15

Se Jakobe a to kwitima eya Egipta, eya fela kona, ene ni vatate vathu.

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Mithumo 7:19

Mkomeyo a xanisile lixaka lathu ngu wurindi: Tshofu yakwe yi mahile ti to vatate vathu ve tshotsha vanana vawe vapune kasiku va si ngadi ve hanya.

Mitengo 16:13

Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?

Mitengo 11:5

Athu hi alakanya sihaka si hi nga txi dya walo ngu kuranda kwathu kona Egipta, mapswani, magamba, nyala, ni txinyalana.

Eksodha 5:14

Se vathangeli va ka Israyeli va to kwapelwa, avale vatsimbitisi va Faro va nga ti va vekile, na va txi kha vona: “Ngu kutxani nyamnova ni nyamsi, mi nga mbi heta kumaha sitini kufana ni kale kani?”

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Eksodha 1:16

“Nga ti mi txi hefemulisa va sirumbu sa vasikati va Vahebheru, wonisisani vanana va kona. Nga ti i di mfana, dayani; aniko i di mwanana wa dihorana, mlekeni e hanya.”

Mitengo 20:14

Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Genesisi 46:7

A tsute ni vanana vakwe, ni vatukulu vakwe vamazambi, ni vamahorana, yotshe ngamu yakwe a tekile e tsula nayo ditikoni ka Egipta.

2 Samuwele 12:18

Se kumaheka taku, ngu ditshiku da wutxhanu ni mambidi, mwanana e fa; sithumi sa Dhavhidha si to thava ku m'gela taku mwanana a fite, nguko si ti ti kha sona: Wonani taku, mbimo yile mwanana a nga ti hanya, hi wombawombile nayo kambe kha engisa dipswi dathu; hi na m'gelisa kutxani koko taku mwanana a fite kani? Nguko ti na mkarata ngutu.