Mitengo 20:14 - Bhiblia Yo Sawuleka

¹⁴ Mbimo si va ngadi Kadhesi, Mosi a to ruma mitumi ka mfumeli wa Edhomi, a txi khene: Mwananu Israyeli a khene: Awe wa ziva sotshe sikarato si hi nga humelwa ngu sona.

Mitengo 20:14 Referans Kwoze

Dhewuteronome 23:7

U nga nyenye muedhomi, nguko i mwananu; hambi kunyenye Muegipta, nguko u ti ti mluveli ditikoni kwawe.

Malakiya 1:2

Ani ni mi randile, kuwomba Mkoma: Aniko anu mi khanu: U komba ngu txani ti to u hi randile kani? Ina Esawu hi nga mwanawe wa Jakobe kani? Kuwomba Mkoma; hambi keto ni randile Jakobe,

Joxuwa 9:9

Se va ka Gibheyoni va to mxamula, va txi kha vona: Sithumi sako sita ngu ka ditiko da kule ngutu, ngu mhaka ya ditina da Mkoma, Txizimu txako, nguko hi pfite nduma yakwe, ni totshe ti a nga maha kona Egipta;

Eksodha 18:8

Se Mosi a to xawutela ka tate wakwe ngu ka msikati wakwe, totshe ti Mkoma a nga ti maha ka Faro ni ka Vaegipta, ngu mhaka ya va ka Israyeli, kumweko ni sotshe sikarato si va nga si mana dipfhumbani kwawe, asi ene Mkoma a nga va hulukisa ka sona.

Genesisi 25:23

se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”

Mitengo 13:26

Mbimo yi va nga wuya, va to ya ka Mosi ni ka Aroni, ni ka wotshe msengeletano wa ka Israyeli, amu txiwulani ka Parani, hafuhi ni Kadhesi.

Mitengo 20:15

Vatate vathu i ti valuveli kona Egipta, na athu hi di zumbile malembe o tala Egipta; va to hi xanisa athu ni vatate vathu.

Mitengo 20:22

Sekoko va to khukha Kadhesi, votshe vanana va ka Israyeli va to hoka mmangoni ka Hori

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Joxuwa 2:10

Nguko hi ti nga pfa taku Mkoma a phwisile mati a Linene lo Bhilivila masoni kwanu, mbimo yile mi nga huma ngu Egipta, ni ti mi nga maha ka vafumeli vambidi va Vaamori, ka Seyoni ni ka Oge, avale va nga ti ti mtxhatuko ka Jordhani, evo mi nga va lovisa.

Joxuwa 9:10

ni totshe ti a nga maha ka vafumeli vambidi va Vaamori, va nga ti mtxhatuko ka Jordhani, ka Seyoni, mfumeli wa Hesibhoni, ni ka Oge, mfumeli wa Bhasani, a nga ti akile Axitaroti.

Amosi 1:11

Mkoma a womba tiya: Ngu kuhambunyeta kuraru ka Edhomi ni ka wumune, kha ni na mbi thavisa txitsayiso, nguko a tutumisile ndiyakwe ngu ditxhari, kambe a thavisile wotshe wumbilu; ni ku mtshatulela ngu txiviti ngu ha ku si gwitiko, e xayisa kuhenya kwakwe ngu ha ku si gwitiko.

Genesisi 25:25

A to velekwa wo khata: I ti wo bhilivila, kambe a ti ti ni mapfhepfheleti o nga matoya a didhamba, va to mraya ditina daku i Esawu.

Genesisi 25:26

Ngu msana a to huma mnanda wakwe, dianza dakwe di ti ñote txizenende txa Esawu, e raywa ditina daku i Jakobe. Isaake a ti ti ni tanga ya mtxhanu wa magumi ni digumi dimwedo a malembe, mbimo yi Rebheka a nga veleka vanana.

Genesisi 32:29

Jakobe a muwotisile, a txi khene: “Na ku kombela ni gele ditina dako.” Aniko ene a to mxamula, a txi khene: “Ngu kutxani u txi ni wotisa ditina dangu kani?” Se a to mkatekisa kona hale.