Mitengo 20:10 - Bhiblia Yo Sawuleka

¹⁰ Se Mosi ni Aroni va to dhana msengeletano masoni ka dirigwi, Mosi a txi khene: Engisani konkuwa anu va kukholwa ka kudotho! Athu hi na humisa mati ha dirigwini hawa kani?

Mitengo 20:10 Referans Kwoze

Jakobe 3:2

Nguko, hotshethu ha onha sikhati so tala. Awule asi onhiko amu ka kuwombawomba, ngu ditshuri i m'thu wo hetiseka, awu a sikotako kuvekela matomu wotshe mmidi wakwe.

Vaefesu 4:26

Ngako mi txi henya, mi nga onheni; ditambo di nga swe mi di ngadi henyile.

Matewu 5:22

Aniko ani ni khani: Awule a henyelako mkwawe a na yiswa kuthethiswani. Awule a rukako mkwawe a txi khene: ‘Txiphukuphuku’ a na ya lamulwa banzani. Ani wule a rukako mkwawe a txi khene ‘Dihundwa’, a na sungwa e rinzwa mndiloni ka Gehena.

Dhewuteronome 9:24

Anu mi vaeyisi ka Mkoma, kukhukhela ka ditshiku di ni nga khata ku mi ziva.

Genesisi 41:16

Josefa a xamute ka Faro, a txi khene: “Eto kha ti nga kwangu!” Txizimu ngu txona txi no ninga Faro txhamuselo yi yi lavekako.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

1 Vakorinto 3:7

Ngu konaho, hambi wu a phayako, hambi wu a theletelako mati hi nga txilo. Txizimu ngu txona txi si kulisako.

Eksodha 17:6

Ziva ti to ani ni na va masoni kwako, txitimwi ka mmango wa Horebi; u na ya peka txiwindi ngu ndonga, mati ma na huma ngu ka txona, aawa vathu va no sela.” Mosi a to maha toneto masoni ka madhota a ka Israyeli.

Mitengo 20:24

Kukhukhela kuwa, Aroni a na ya ti tshanganisa ni va ka kwawe, nguko ene kha na mbi sikota kuya wulela ka ditiko di ni nga ningela ka vanana va ka Israyeli; nguko mi kanetile dipswi dangu, a ni ka mati ka Meribha.

Masalmo 78:16

Txizimu txi humisile ngu mu ka dirigwi mati o khulunga awa ma nga txi khulunga ngu mtamo.