Mitengo 20:1 - Bhiblia Yo Sawuleka

¹ Wotshe msengeletano wa vanana va ka Israyeli, wu to hoka ka txiwula txa Zimi, ngu mtxima wo khata; se vathu ve gova ka wukhalo wa Kadhesi. Miriyamu a to fa ka wukhalowo, e tshotshwa konaho.

Mitengo 20:1 Referans Kwoze

Mitengo 13:21

Ngu tona eto, va to kwela kasi kuya xola ditiko, ve khatela txiwulani ka Zimi, veza ve hoka Rohobhi, ngu nzila yi yiyako Hamati.

Mitengo 33:36

Se va to khukha ngu Eziyoni-Gebheri, veya humula txiwulani ka Zini, i ku Kadhesi.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Mitengo 27:14

Ngako mi nga ni eyisa txiwulani ka Zimi, kuhenyani ka msengeletano, mbimo yi ni nga ruma ku u ni phaxela matini, masoni kwawe: (Awa mati a Meribha wa Kadhesi, txiwulani ka Zimi).

Mitengo 26:59

Se ditina da msikati wa Anirami, i Jokebhedhi, mwana Levhi, awu a nga veleka Levhi a di Egipta; se awuwa i Anirami, a to veleka Aroni, ni Mosi, ni ndiyawe Miriyamu.

Mitengo 12:1

Se Aroni ni Miriyamu va to khata kulenga Mosi, ngu mhaka ya wamsikati wa ka Kuxe, a nga ti tekani ni Mosi; ngu kule a nga ti tekile wamsikati wa ka Kuxe.

Mika 6:4

Kha ditshuri ni mi humisile ditikoni ka Egipta, ni ka nyumba ya wukhumbi ni mi tirute, kambe ni vekile Mosi, ni Aroni, ni Meriamo, masoni kwanu.

Masalmo 29:8

dipswi da Mkoma da dekadekisa txiwula; Mkoma wa dekadekisa txiwula txa Kadhesi!

Dhewuteronome 32:51

Nguko mi ni onhete hagari ka vanana va ka Israyeli, matini ka Meribha-Kadhesi, txiwulani ka Zimi, nguko kha ma ni sawulekisa, hagari ka vanana va ka Israyeli.

Dhewuteronome 2:14

Kukhukhela Kadhesi-Bharneya, kala hi txhatuka mlonga wa Zeredhi, dipfhumba dathu di tekile magumi mararu a malembe, ni mtxhanu wa malembe ni mararu, kala ku txi guma lotshe liveleko lile la masotxhwa, ale ma nga ti emisetwe yimbi, nga ti Mkoma a nga ti va xambanyete tona.

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

Mitengo 12:15

Ngu kumaha keto, Miriyamu a to khotelwa mtxhanu wa masiku ni mambidi, hahanze ka wugovelo, vathu kha va nga khukha kala Miriyamu e wuya.

Mitengo 12:10

Mbimosi direfu di nga khukha txitimwi ka ditenda, koneko Miriyamu mmidi wakwe wu to basa ngu tshekela, wu txi fanana ni hunguva. Aroni a to wona Miriyamu ti to ana ni tshekela.

Eksodha 2:7

Sekoko ndiya ya mwanana wule wa mfana a to khene ka mwana Faro wa dihorana: “Wa ti lava ti to ni tsula ni ya kudhanela wamsikati wa Muhebheru, awu a nota kuwunjela mfana wuwa kani?”

Eksodha 2:4

Se ndiyakwe mwanana wule wa mfana a ti ti dingilila a di kule nyana, a txi wonetela ati ti no humelela kwakwe.

Mitengo 13:26

Mbimo yi va nga wuya, va to ya ka Mosi ni ka Aroni, ni ka wotshe msengeletano wa ka Israyeli, amu txiwulani ka Parani, hafuhi ni Kadhesi.

Mitengo 20:22

Sekoko va to khukha Kadhesi, votshe vanana va ka Israyeli va to hoka mmangoni ka Hori

Dhewuteronome 1:46

Ngu mhaka ya toneto, mi zumbile masiku amangi kona Kadhesi, ka ona masiku ale mi nga maneka koneyo.

Valamuli 11:16

Txikhati txi va ka Israyeli va nga huma ngu Egipta, va to tsimbila ngu mu txiwulani kala va txi hoka Lineneni ko Bhilivila, va txi ya hoka ni Kadhesi.

Genesisi 14:7

Vona va to tshumela va txi ta ka Mlonga wa Kuthethiswa, i ku Kadhesi, ve khozisa dotshe ditiko da Vaamaleki ni da Vaamori, va nga ti akile ditikoni ka Azazani-Tamari.

Mitengo 20:28

Se Mosi a to thavisa syambalo sa Aroni, a txi ambeka Eleyazari. Aroni a to fela konaho txitimwi ka mmango. Se Mosi ni Eleyazari va to txhika hahatshi.

Ezekhiyele 47:19

Se muhingano wa wuphemba wu na khukhela Tamari, kala matshanganoni ka mati a Kadhesi, hafuhi ka txinambwana, kala ka Linene la Hombe.