Mitengo 2:18 - Bhiblia Yo Sawuleka

¹⁸ M'jeke wa dizumbo da ka Efrayime, wu na va wu ti mswa-ditambo, ngu mabutho awe. Mthangeli wawe i Elisama, mwana Amiyudhe.

Mitengo 2:18 Referans Kwoze

Mitengo 10:22

Msana keto, ku to khukha m'jeke ngu wugoveloni ka vanana va ka Efrayime, madingano ni mabutho awe a tiyimbi; se ka dibutho dawe da yimbi, ku ti ti ni Elisama, mwana Amiyudhe.

Mitengo 1:10

Ka vanana va Josefa: Ka Efrayime, i Elisama, mwana Amiyudhe; ka Manasi, i Gamaliyeli, mwana Pedhazuri.

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

Mitengo 7:53

ni mphaxo wa kuthutha, tihomu timbidi, mtxhanu wa tihamba, mtxhanu wa vamabhongwe, mtxhanu wa sinvutana sa dilembe. Awuwa mningelo wa Elisama, mwana Amihudhi.

Mitengo 7:48

Elisama, mwana Amihudhi, mthangeli wa vanana va ka Efrayime, a to ningela siya:

Mitengo 1:32

Ka vanana va Josefa, ni ka vanana va Efrayime, ngu tiveleko tawe ni mimwaya yawe, madingano ni tinyumba ta vatate vawe, va bhatwe ngu matina a votshe vavamna va magumi mambidi a malembe ni kuya masoni, avale va dingano kuya yimbini.

Genesisi 48:5

Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu.

Mitengo 2:19

Mabutho a mtengo wa vavamna va yimbi yakwe ni va va nga balwa i 40.500, va nga balwa.

Jeremiya 31:9

Va na wuya va txi dila, ni txi va heleketa na va txi khongela; ni na va thangela minamboni ka mati, ngu nzila yo basa, eyo va na kwa mbi huma ka yona; ngu ku ni ku tate ka Israyeli, matiwula angu ngu Efrayime.