Mitengo 2:17 - Bhiblia Yo Sawuleka

¹⁷ Sekoko, ngako Ditenda da Msengeletano di txi khukha, dizumbo da va ka Levhi di na va di di hagari ka mamwani mazumbo. Ati va nga zumbisa tona va na tsimbilisa toneto, dibutho ni dibutho ni m'jeke wa dona.

Mitengo 2:17 Referans Kwoze

Mitengo 10:21

Sekoko va ka Kohati va to khukha, va di rwate nyumba yo sawuleka; se vamwani va to gula nyumba, vona va txi ngadi va txita.

Mitengo 10:17

Sekoko nyumba yi to tshungunulwa, se vanana va ka Gerisoni ni vanana va ka Merari, ve kukha va ti rwate nyumba.

Vakolosa 2:5

Kha ditshuri, hambiko ni ku kule ni nanu ngu ka nyama, kambe ni hafuhi ni nanu ngu ka moya, ni tsaka ngu kuwona mahanyelo anu amanene, ni kutsana ka likholo lanu ka Kristu.

1 Vakorinto 14:40

Aniko totshe ti na mahwe ngu fanelo ni mlayo.

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Mitengo 2:1

Se Mkoma a to womba ka Mosi ni ka Aroni, a txi khene:

Mitengo 2:18

M'jeke wa dizumbo da ka Efrayime, wu na va wu ti mswa-ditambo, ngu mabutho awe. Mthangeli wawe i Elisama, mwana Amiyudhe.