Mitengo 19:9 - Bhiblia Yo Sawuleka

⁹ Se m'thu wu aku ha wukhaloni ko sawuleka, a na ola dikhuma da homu, atxi ya di vhunga hahandze ka wugovelo, ka wukhalo wo sawuleka, ku mahela ti to va na wu thumisa vanana va ka Israyeli, kumaha mati o basisa, wu maha mphaxo wo kuwula kuonha.

Mitengo 19:9 Referans Kwoze

Vahebheru 9:13

Se ti di ngeto, kota nga ti mnoha wa tiphongo ni wa tihomu, ni dikhuma da marole va nga ti ti xwayelwa ngu wona vaonhi, se ve mana kubasiswa mmidi,

Mitengo 19:13

Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.

Vahebheru 7:26

Kha ditshuri, ngene mphaxeli wa hombe wu a hi fanelako: Wa kusawuleka, a si nga ni mnandu, wa kubasa mbilu, wa kuhambana ni vaonhi, wa kuguletwa txitimwi ka tinzuma.

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

Mitengo 19:18

Ngu msana, m'thu awu a nga basa ngene a no teka hisope e yi beta amu ka mati e xwanyela ditenda ni siya sotshe, ni vathu votshe ava va kuho, ni wu a nga gwesa marambu, mwendo awu a nga dawa, ni dithitha ni sirumbi.

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.

Mitengo 8:7

Ati u no mahisa tona kasi ku va basisa ngu tiya: U na xwayela txitimwi kwawe mati o thavisa sionho, msana keto va na ti yola wotshe mmidi wawe ngu limo, ve kuwula syambalo sawe.

Mitengo 6:12

Sekoko a na va a txi xambanya kambe ka Mkoma, ka yotshe mbimo yakwe ya wunazira, a na teka hambana ya nvuta ya tanga ya dilembe, e maha mphaxo wa m'diho, mbimo yi yi nga pinda kha yi na mbi balwa, ngako wunazira wakwe wa kale wu di nzambwisilwe.

Levhi 15:20

Ni ka wuhi wukhalo a manekako a txi otela ka wona, ni ka wuhi wukhalo a manekako a txi khalahatsha ka wona, wu na va wu txi yila.

Mitengo 19:3

Mi di ningela ka mphaxeli Eleyazari, ve huma nado hahanze ka wugovelo, va txi ya di daya, masoni kwakwe.

Mitengo 19:8

Ni ene ni wule a nga hisa homu, nene a na kuwula syambalo sakwe, e samba mmidi ngu mati, ngu msana a na zumba a txi yila kala ni minova.

Mitengo 19:17

Ka m'thu wu a nga mbi sawuleka, va wela dikhuma da mphaxo wa kuonha amu ka txiya, ve thela mati mnamboni txitimwi ka dikhuma, amu ka txiya.