Mitengo 19:3 - Bhiblia Yo Sawuleka

³ Mi di ningela ka mphaxeli Eleyazari, ve huma nado hahanze ka wugovelo, va txi ya di daya, masoni kwakwe.

Mitengo 19:3 Referans Kwoze

Levhi 4:12

eko yotshe nyama ya dirole, yi na humiswa yi yiswa hahanze ka wugovelo, ha wukhaloni ka mhamba yo sawuleka, ahale ka ditala da dikhuma, se kona ha ditalani hale ka dikhuma, yi na ya hiswa hamndilo.

Levhi 4:21

Mphaxeli a na ruma ti to didhuna di humiswa hahanze ka wugovelo, se koneyo a na ya di hisa mndiloni, nga ti a nga maha ngu didhuna do khata. Ayiya i mhamba yo mahela txionho txa msengeletano.

Mitengo 15:36

Sekoko wotshe msengeletano, wu to mndinda wu tsula nayo hahanze ka wugovelo, wu txi ya m'balisela ngu marigwi eza efa, madingano ni ti Mkoma, a nga leleta tona ka Mosi.

Mitengo 5:2

“Laya vanana va ka Israyeli tito, awu a ku ni malwati a tshekela, ni vathu votshe ava va mahako kubiha ni ku ti nzambwisa ngu kugwesa sirumbi, va na humiswa hahanze ka wugovelo.

Mitengo 3:4

Nadhabhi ni Abhiyu va fite masoni ka Mkoma, txiwulani ka Sinayi, mbimo yi va nga ningela mphaxo masoni ka Mkoma, ngu mndilo i singako wona. Vona va si nga ni vanana, ngu mhaka yeto, Eleyazari ni Itamari, ngu vona va nga teka mthumo wa wuphaxeli masoni ka Tate wawe Aroni.

Levhi 24:14

Humisa hahanze ka wugovelo m'thu wule a nga womba-womba mapswi o ruketela, votshe vale va nga mu engisa, va na sanzeke manza awe ha msungo kwakwe, se wotshe msengeletano wu na m'balisela ngu marigwi.

Levhi 16:27

Aniko dirole ni mabhongwe, sa mningelo wa kuthavisa sionho, asile mnoha wa sona wu nga tiswa kasi kubasisa wukhalo wo sawuleka, si fanete kuyiswa hahanze ka wugovelo; si txi ya hiswa kona, i ku didhowo, nyama, ni masembe a kona.

Levhi 4:11

Kambe didhowo da dirole, nyama yotshe kumweko ni msungo, maswondo, mswanye ni masembe,

Mitengo 19:9

Se m'thu wu aku ha wukhaloni ko sawuleka, a na ola dikhuma da homu, atxi ya di vhunga hahandze ka wugovelo, ka wukhalo wo sawuleka, ku mahela ti to va na wu thumisa vanana va ka Israyeli, kumaha mati o basisa, wu maha mphaxo wo kuwula kuonha.