Mitengo 19:21 - Bhiblia Yo Sawuleka

²¹ Awuwa wu na va mlayo wo mbi gwita kwawe. Awu a no xwayela mati o sawuleka, a txi gwita a na kuwula syambalo sakwe; ni wu a no gwesa mati o sawulekisa ngu ona, a na va a sa sawuleka nene, kala ni minova

Mitengo 19:21 Referans Kwoze

Vahebheru 10:4

Nguko, kha ti na kukoteka ti to mnoha wa tiphongo ni madhuna wu fuvisa sionho.

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Vahebheru 7:19

(Kha ditshuri, Mlayo wa Mosi kha wa maha txilo txo hetiseka), se ku txi wulela txithembo txa txinene atxi txi hi ningako kutshuketela hafuhi ka Txizimu.

Levhi 11:40

Awule a dyako nyama ya txona txiharitxo txo fa, a na kuwula syambalo sakwe, e maneka a txi yila ka dotshe ditshikudo; ni wule a rwalako txirumbi txa kona a na kuwula syambalo sakwe, e yila ka dotshe ditshikudo.

Levhi 11:25

Awule a rwalako txirumbi txa sihari soneso, a fanete kukuwula syambalo sakwe, e zumba a txi yila, dotshe ditshiku.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Mitengo 19:7

Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova.

Mitengo 18:23

Ngu mhaka yeto, va na thuma mthumo wa ditenda da msengeletano, ve rwala vapune mnandu wawe. Atxiya txi na va txileleto txa kala kupinduka, ka tiveleko tanu, kha si na mbi va ni thomba hagari ka vanana va ka Israyeli.

Mitengo 19:8

Ni ene ni wule a nga hisa homu, nene a na kuwula syambalo sakwe, e samba mmidi ngu mati, ngu msana a na zumba a txi yila kala ni minova.

Mitengo 19:10

Awule a nga ola dikhuma da homu, a na kuwula syambalo sakwe e zumba a txi yila kala ni minova. Atxiya, njileleto txo pinduka hagari ka vanana va ka Israyeli, ni ka mluveli wu a ku hagari kwawe.