Mitengo 19:20 - Bhiblia Yo Sawuleka

²⁰ Awu asi ti sawulekisako, a na tutumiswa hagari ka msengeletano, nguko a nyenyezisile wukhalo wo sawuleka wa Mkoma; ni mati o basisa ngu ona kha ma nga xwayelwa txitimwi kwakwe, ngu konaho, ka sawuleka.

Mitengo 19:20 Referans Kwoze

Marku 16:16

Awu a no kholwa, a txi bhabhatiswa, a na huluka; awu a no mbi kholwa, a na abaniswa.

Mitengo 19:13

Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.

Genesisi 17:14

M'thu wuhi ni wuhi wa wamwamna, awule a nga mbi yiswa wukwerani, awule a nga mbi wilwa didhowo da magwito ka nyama yakwe, a na tutumiswe hagari ka m'ti wa lihunzu la ka kwawe, nguko a eyisile Txitumelelano txangu.”

Mtuletelo 22:11

Awu a nga mbi lulama a na simamise e maha ku ambi lulama kwakwe; awu i ku wa nzambwa a na simame nzambwani kwakwe; ani mlulami a na simamise e maha kululama, ani msawuleki a na simame e ti sawulekisa.”

2 Pedro 3:14

Ngu kota yeto, vo randeka, na mi txi rinzela simaha siya, ti karateni kufela ku ene a txi ta mi mana mi di basile, mi si nga ni txisolo, kambe a ne ta mi mana mi di ni kudikha.

Mitengo 15:30

Se awu a nga onha khakwenye hambi i ti txizikwa mwendo mluveli, a ruka Mkoma; eyo m'thu a na tutumiswa hagari ka vanana va kakwawe.

Levhi 15:31

Ka toneto, anu mi na hambanisa vanana va ka Israyeli ka wubihi wawe, kasi vona va si wuleli phangoni ka kudawa, nguko va ti ya nyenyezisa ngu wubihi wawe nyumba yangu yo sawuleka, ayi yi ku hagari kwawe.

Levhi 17:16

Ngako asi kuwuli syambalo sakwe hambi kwa mbi samba mmidi wakwe ngu mati, a na va a txi rwala mnandu wakwe.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Levhi 22:4

Ni wammweyo wa lihunzu la Aroni, a nga tshapelwa ngu tshekela mwendo a nga mana txikanzameti, kha na kudya simaha so sawuleka na a sanzi ku ti basisa. Ngu toneto, kambe ti mahekako ka wule a gwesako txirumbi, mwendo awule mnoha wa liveleko wu nga huma,

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.