Mitengo 19:16 - Bhiblia Yo Sawuleka

¹⁶ Awule a no gwesa m'thu wo dawa ngu ditxhari txitingani, hambi wa kufa ngu mafelo akwe, mwendo marambu a vathu hambi dithitha; eyo m'thu a na va a sa sawuleka mtxhanu wa masiku ni mambidi.

Mitengo 19:16 Referans Kwoze

Matewu 23:27

“Mi na ni dikhombo, anu vabhali ni Vafarisi, vaxengeteli, nguko mi fana ni mayiva a kupendwa ngu mhemba, ma tshurako hahanze, kasi mndani ka ona ma tate ngu marambu a vafi ni lotshe lixaka la nzambwa.

Mitengo 31:19

Se anu zumbani hahanze ka dizumbo mtxhanu wa masiku ni mambidi; ni wuhi wu a nga daya m'thu wokari, mwendo ni wuhi wu a nga gwesa m'thu wokari wa kufa, ngu ditshiku da wuraru ni ditshiku da wutxhanu ni mambidi, mi na ti sawulekisa, anu ni tikhumbi tanu.

Luka 11:44

Mi na ni dikhombo anu, nguko mi fana ni mayiva, aawa ma si wonekiko, aawa vathu va ma kandetelako, va si ma zivi.”

Mitengo 19:11

Awu a gwesako txirumbi, a na va a sa sawuleka, txipimo txa mtxhanu wa masiku ni mambidi.

Mitengo 19:15

Kambe sotshe siya si si nga mbi fenengetwa, si kuwalo sifenengeto so sungelelwa, kha sa sawuleka.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Levhi 21:1

Mkoma a wombile ka Mosi a txi khene: Gela vaphaxeli, vanana va Aroni u txi khawe: Mphaxeli a nga ti nyenyezise ngu mhaka ya txirumbi txa m'thu wa ka kwawe awule a nga fa,

Mitengo 5:2

“Laya vanana va ka Israyeli tito, awu a ku ni malwati a tshekela, ni vathu votshe ava va mahako kubiha ni ku ti nzambwisa ngu kugwesa sirumbi, va na humiswa hahanze ka wugovelo.

Mitengo 6:6

Ka otshe masiku ya a nga ti sawulela kuva munazira wo thumela Mkoma, a nga tshukete hafuhi ka m'thu wa kufa.

Mitengo 9:6

Ka onayo masiku, ku ti ti ni vathu va nga ti nyenyezisilwe ngu txirumbi txa m'thu wa kufa, se ve yila ngu donedo ditshiku. Va tota masoni ka Mosi ni ka Aroni, ve ta ti kombisa.

Ezekhiyele 44:26

Se msana ka ku ti sawulekisa kwawe, va na heta mtxhanu wa masiku ni mambidi.