Mitengo 19:15 - Bhiblia Yo Sawuleka

¹⁵ Kambe sotshe siya si si nga mbi fenengetwa, si kuwalo sifenengeto so sungelelwa, kha sa sawuleka.

Mitengo 19:15 Referans Kwoze

Levhi 14:36

Se mphaxeli a na ruma ti to ku humiselwa sotshe simaha si si ku mu nyumbani, na a sinzi kuya yi xolisisa, kasiku ti si maheki ti to sotshe si si ku nyumbanimo, si si nyenyeziswi; se ngu msana, nyumba a na yi xolisisa.

Levhi 11:32

Ni sotshe siya sile siwako txitimwi ka sona, ngako si txi fa, mwendo siya sa mapulango, syambalo, madhowo, masaka, hambi ni sihi si m'thu asi thumisako, ka wuhi ni wuhi mthumo wu a wu mahako, si yilite. Si na betwe matini si kuwulwa, ni kuzumba si txi yila dotshe ditshiku. Se ngu msana si na maneka si di basile.

Mitengo 31:20

Kambe mi na sawulekisa sotshe syambalo, ni sotshe syambalo sa madhowo, ni sotshe so mahwa ngu matoya a tiphongo, ni sotshe siya sa mapulango.

Mitengo 19:14

Se mlayo wa kufela ditendani ngu wuwa: Votshe va va manekako ditendani, kha ku na mbi fa m'thu, va fanete kuyila, nguko kha va sawuleka; kala mtxhanu wa masiku ni mambidi.

Mitengo 19:16

Awule a no gwesa m'thu wo dawa ngu ditxhari txitingani, hambi wa kufa ngu mafelo akwe, mwendo marambu a vathu hambi dithitha; eyo m'thu a na va a sa sawuleka mtxhanu wa masiku ni mambidi.

Levhi 11:33

Ngako tximwetxo txa sona sihariso txi txi wela mu ka txiya txa mraka, txi di fite, txiya txonetxo txifanete kufaywa, ni txile txi manekako mndani ka txona txi na va txi txi yila.