Mitengo 19:13 - Bhiblia Yo Sawuleka

¹³ Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.

Mitengo 19:13 Referans Kwoze

Levhi 15:31

Ka toneto, anu mi na hambanisa vanana va ka Israyeli ka wubihi wawe, kasi vona va si wuleli phangoni ka kudawa, nguko va ti ya nyenyezisa ngu wubihi wawe nyumba yangu yo sawuleka, ayi yi ku hagari kwawe.

Levhi 22:3

Va gele u txi khawe: Kukhukhela ka kuwa, m'thu wule i ku wa lihunzu lanu ni wa liveleko lanu, awu a tshuketako hafuhi ka simaha so sawuleka, asi va ka Israyeli va nga si lulamisa, va txi si tisa kwangu, na a sa basa eyo m'thu a na fuviswa hagari kwanu. Ani ngani Mkoma!

Levhi 7:20

Kambe ngako m'thu wokari a sa lulama, a txi dya nyama ya mhamba ya mpatano, ayi yi nga mahwa mningelo ka Mkoma, a na tutumiswa ka va ka kwawe.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Mtuletelo 22:11

Awu a nga mbi lulama a na simamise e maha ku ambi lulama kwakwe; awu i ku wa nzambwa a na simame nzambwani kwakwe; ani mlulami a na simamise e maha kululama, ani msawuleki a na simame e ti sawulekisa.”

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Vahebheru 10:29

Se, ngu toneto, mi alakanya txani ngu txitsayiso txa hombe, atxi a no txi mana wule a nga kanyisa Mwanana wa Txizimu, asi khatali txilo ngu mnoha wa txitumelelano, awu a nga sawulekiswa ngu wona, se a txi tshumela e ruketela Moya wa makatekwa, kani?

Johani 8:24

Ngu toneto, ni nga mi gela ni txi khani: ‘Mi na fela sionhoni kwanu’, nguko, ngako mi si kholwi ti to ‘Ngani wuwa’, mi na fela sionhoni kwanu.”

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Mitengo 19:20

Awu asi ti sawulekisako, a na tutumiswa hagari ka msengeletano, nguko a nyenyezisile wukhalo wo sawuleka wa Mkoma; ni mati o basisa ngu ona kha ma nga xwayelwa txitimwi kwakwe, ngu konaho, ka sawuleka.

Mitengo 19:18

Ngu msana, m'thu awu a nga basa ngene a no teka hisope e yi beta amu ka mati e xwanyela ditenda ni siya sotshe, ni vathu votshe ava va kuho, ni wu a nga gwesa marambu, mwendo awu a nga dawa, ni dithitha ni sirumbi.

Mitengo 19:9

Se m'thu wu aku ha wukhaloni ko sawuleka, a na ola dikhuma da homu, atxi ya di vhunga hahandze ka wugovelo, ka wukhalo wo sawuleka, ku mahela ti to va na wu thumisa vanana va ka Israyeli, kumaha mati o basisa, wu maha mphaxo wo kuwula kuonha.

Mitengo 15:30

Se awu a nga onha khakwenye hambi i ti txizikwa mwendo mluveli, a ruka Mkoma; eyo m'thu a na tutumiswa hagari ka vanana va kakwawe.

Mitengo 8:7

Ati u no mahisa tona kasi ku va basisa ngu tiya: U na xwayela txitimwi kwawe mati o thavisa sionho, msana keto va na ti yola wotshe mmidi wawe ngu limo, ve kuwula syambalo sawe.

Levhi 20:3

Ni na mronokela ngu maso angu, ni txi mwukela eyo m'thu, ni na mtutumisa hagari ka vathu va ka kwawe, nguko a ningete mwanana wakwe ka Moloke, e nyenyezisa wukhalo wangu wo sawuleka, ni ku bihisa ditina dangu do sawuleka.

Levhi 5:17

Se ngako m'thu a di onhile ngu kumaha to biha, e tsulupeta mlayo wokari wa Txizimu, e maha ti ti si faneliko kumahwa, hambi asi ti zivi, a na va ni txionho, kambe a rwate mnandu.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 5:3

hambi ku ngako m'thu a txi gwesa ni yihi nzambwa ya mmwani m'thuyo, neneyo m'thu ana ni mnandu wa nzambwa;

Vahebheru 9:10

Nguko, va phaxa ngu sakudya ni sakusela ni ku ti sambisa ka tinzila to tala dwe. Asiya nziheno sa vathu si nga thuma kala ditshiku da kuhindulwa ka sotshe.

Levhi 7:21

Ni wule a manekako a di gwesile tximaha txo mbi lulama, mwendo m'thu, mwendo txihari, hambi ni txihi tximaha, mwendo kuva a di dyite nyama ya mhamba ya mpatano, ayi yi mahelwako Mkoma, a na tutumiswa ka va ka kwawe.

Mitengo 19:14

Se mlayo wa kufela ditendani ngu wuwa: Votshe va va manekako ditendani, kha ku na mbi fa m'thu, va fanete kuyila, nguko kha va sawuleka; kala mtxhanu wa masiku ni mambidi.

Mitengo 19:19

Se m'thu wu a nga basa, a na xwayela ka wu a nga mbi basa ngu ditshiku da wuraru, ni ditshiku da wutxhanu ni mambidi a txi msawulekisa; kambe a na kuwula syambalo sakwe, e samba amu ka mati, ni minova ya kona e ti basile.

Ezekhiyele 44:26

Se msana ka ku ti sawulekisa kwawe, va na heta mtxhanu wa masiku ni mambidi.

Eksodha 30:33

Awule a no maha mamwani o fana nawo, mwendo kutota ngu ona m'thu wo mbi sawuleka, a na tutumiswa aha ka lixaka la ka kwawe.”

Levhi 22:4

Ni wammweyo wa lihunzu la Aroni, a nga tshapelwa ngu tshekela mwendo a nga mana txikanzameti, kha na kudya simaha so sawuleka na a sanzi ku ti basisa. Ngu toneto, kambe ti mahekako ka wule a gwesako txirumbi, mwendo awule mnoha wa liveleko wu nga huma,

Mitengo 9:13

Kambe ngako m'thu a di sawulekile, a sa nga enda e leka kudya Pasika, eyo m'thu a na tutumiswa ka va ka kwawe, nguko kha nga humisa mningelo wa Mkoma ngu mbimo ya wona, eyo m'thu a na rwala mnandu wakwe apune.