Mitengo 18:9 - Bhiblia Yo Sawuleka

⁹ Hagari ka siya si so sawuleka ngutu kuleka ngu si so maha ngu kuhiswa; asi i ku sako ngu siya: Miningelo yawe yotshe, miningelo ya sakudya, ni miphaxo; yotshe ya kuonha, ni miphaxo yotshe ya minandu, ayi va no maha midiho kwangu; sotshe asi so sawuleka ngutu nzako, ni vanana vako.

Mitengo 18:9 Referans Kwoze

Levhi 7:7

Mphaxo wa mhamba ya kudihela mnandu, ni mphaxo wa mhamba ya kudivalela txionho, wa fana mlayo wa kona: Nyama ya kona nja mphaxeli wu a nga maha mhamba yo dihela.

Levhi 14:13

Ngu msana, a na wila thamo ya txinvhutana ha wukhaloni hale kudayelwako kona sihari sa mningelo wa mhamba yo kuwula sionho, ni mningelo wa mhamba yo hiswa, ha wukhaloni ko sawuleka; nguko mningelo wa mhamba ya minandu, ni mningelo wa mhamba ya txionho, simaha sa kona si lumba mphaxeli, si sawulekile ngutu.

Levhi 4:27

Se ngako ni wihi m'thu nga kulunduma e onhela Mlayo wa Mkoma, a txi mana mnandu ngu toneto, kufela ku e ziva txionho txi a nga txi maha, a fanete kumaha mphaxo wa txionho txakwe, ngu phongo ya mkati yo mbina wulima.

Levhi 4:22

Ngako i di mthangeli wokari a nga onha ngu kulunduma, a txi maha ti ti tsimbwako ngu Mlayo wa Mkoma Txizimu, a ti mahete mnandu ngu toneto;

Levhi 10:17

Ngu kutxani mi nga mbi dya nyama ya mabhongwe, ya mningelo wa mhamba yo kuwula txionho ha wukhaloni ko sawuleka, kani? Nguko njilo txo sawuleka ngutu ka Mkoma, a mi ningile kasi ku mi rwala sotshe sionho sa msengeletano, mi maha m'diho wa sionho, masoni ka Mkoma.

Levhi 7:1

Asiya nzileleto sa mhamba yo divalela mnandu; etxo njimaha txo sawuleka ngutu.

Levhi 5:6

Se a fanete e maha mningelo ka Mkoma, kasi kudivalelwa txionho txi ene a nga txi maha, ngu txinvutata txa mkati mwendo phongo, mphaxeli a na mmahela mhamba yo divalelwa txionho txi ene a nga txi maha.

Levhi 5:1

Se ngako m'thu a txi dhanelwa kuya fakaza mhaka yokari, a nga yi wona mwendo a nga yi ziva, aniko a txi lamba kuwomba, sekoko eyo m'thu a na rwala txionho txakwe;

Levhi 6:17

So tshumbelwa kha si na mbi bhikwa; thomba yawe ngu yi ni nga va ninga ka miningelo yangu yo hiswa; nzo sawuleka ngutu, kufana ni mningelo wa kudivalelwa ka txionho, ni kufana ni kudivalelwa ka mnandu.

Levhi 6:30

Kambe kha ku na mbi dyiwa ni sa mphaxo ni wawumwewo wa kudivalelwa ka txionho, awule mnoha wa kona wu tiswako ditendani ka msengeletano, kasi ku ta sawulekisa nyumbani; wu nga dyiwe, wu na hiswe ha mndiloni.

Levhi 7:6

Vavamna votshe hagari ka vaphaxeli ngu vona va ku ni fanelo yo dya nyama ya kona. Va dingana ku yi dyela ha wukhaloni ko sawuleka; nguko i mhamba yo sawuleka ngutu.

Mitengo 18:10

Anu mi na dya sakudya sa sinene ngutu; kambe votshe vathu va na sidya. Nguko nzilo so sawuleka ngutu.

Ezekhiyele 42:13

Sekoko a to khene kwangu: Tinyumba ta wuphemba ni tinyumba ta wulambwe, ti manekako ka wukhalo wa didhawa da kusawuleka, ndinyumba to sawuleka, emo vaphaxeli va no dyela kona silo so sawuleka ngutu; va na veka kona eyo silo so sawuleka ngutu, ni miningelo ya kudyiwa, ni ya kudivalelwa ka sionho, ni ya kudivalelwa mnandu; nguko wukhalo mbwo sawuleka.

Ezekhiyele 44:29

Se miningelo ya sakudya, ni mningelo wa kudivalela txionho, ni mningelo ngu mhaka ya mnandu, va na dya; sotshe so sawuleka kona Israyeli i nava sawe.

Levhi 2:10

Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.

Levhi 6:19

Mkoma a to womba kambe ka Mosi a txi khene:

Levhi 22:7

Ngu msana ka kuswa ka ditambo ngu kona a no va ni fanelo ya kudya so sawuleka, nguko nzakudya sakwe.

Levhi 22:11

Aniko ngako mphaxeli a di xavile m'thu ngu male yakwe; mwendo wu a nga velekwa mu nyumbani kwakwe ngu txithumi txakwe; va sikota kuva txi dya sakudya sakwe.

Dhewuteronome 18:1

“Vaphaxeli va ka Levhi, lotshe lihunzu la ka Levhi, kha va na mbi va ni txyavelo mwendo thomba kona Israyeli; va va na hanya ngu minigelo yile yi hiselwako Mkoma, ni sile si mlumbako.

2 Vafumeli 12:17

Sekoko Hazayeli mfumeli wa Siriya, a to kwela e ya lwa, e honyola ditiko da Gate; ngu msana a to khata kulwisa Jerusalema.

Nehemiya 10:36

Ni matiwula a vafana vathu, ni a sifuyo sathu, madingano ni tile ti nga bhalwa Mlayoni; ni ti to matiwula a tihomu tathu ni a tinvuta tathu hi na ma yisa Nyumbani ka Txizimu txathu, ka vaphaxeli vale va thumako Nyumbani ka Mkoma.