Mitengo 18:8 - Bhiblia Yo Sawuleka

⁸ Mkoma a to khene kambe ka Aroni: “Wona ti to awe ni ku ningile mthumo wa sotshe so sawuleka asi vanana va ka Israyeli va nga si ningela kwangu; se ni si ningete kwako, kasi si txi va txyavelo kwako ni ka vanana vako, kala ka mbimo yo mbi guma.”

Mitengo 18:8 Referans Kwoze

Levhi 6:16

Se wule wu salako va na dya, Aroni ni vanana vakwe; sa kwa mbi tshumbela si na dyelwa wukhaloni ko sawuleka; si txi dyelwa mtendelani ka ditenda da msengeletano.

Levhi 7:6

Vavamna votshe hagari ka vaphaxeli ngu vona va ku ni fanelo yo dya nyama ya kona. Va dingana ku yi dyela ha wukhaloni ko sawuleka; nguko i mhamba yo sawuleka ngutu.

Levhi 6:18

Votshe vavamna hagari ka vanana va Aroni, va na dya sa mningelo wa sakudya; txi na va txileleto txa kwa mbi gwita ka tihunzu tanu, hagari ka miningelo yo hiswa ka Mkoma; ni wihi a no si gwesa a na sawuleka.

Eksodha 40:15

u na va tota nga ti u nga totisa tona tate wawe, se va na va vaphaxeli va mthumo wangu; ngu kutotwa kwawe, wuphaxeli wu na va wawe mbimo yotshe, ngu liveleko ni liveleko.”

Eksodha 40:13

U na ambeka Aroni ngu syambalo so sawuleka; u na mtota u txi m'basisa kasiku e thuma mthumo wa wuphaxeli, masoni kwangu.

Eksodha 29:29

Syambalo so sawuleka sa Aroni ngu msana ka kona ni sa vanana vakwe; va na si ambala mbimo yile va no va va di totilwe ni ku va va di emisetwe.

1 Johani 2:27

Se anu, kutotwa ku mi nga kuamukela kwakwe, wu zumbile kwanu, se kha mi ngadi mi txi fanela kugondiswa ngu m'thu; nguko kutotwa ka ditshuri, kha ku wombi makuhu, ngu konaho, zumbani kwakwe Kristu, nga ti ku nga mi gondisa tona.

1 Johani 2:20

Se anu mi totilwe ngu kusawuleka, ma tiziva totshe.

Vahebheru 1:9

U randile wululami, u txi venga wubihi; ngu toneto, Txizimu, Txizimu txako, txi ku totile mafura a litsako kupinda votshe vangana vako.”

Isaya 10:27

Se ti na maheka ka dona ditshiku dile taku, mrwalo wanu wu thaviswa makatani kwako, ni dikange dako ha thamoni kwako; se dikange di na funyeletelwa ngu mhaka ya kutotwa.

Dhewuteronome 26:13

Se awe u na ya womba masoni ka Mkoma, Txizimu txako, u txi khawe: Ni thavisile amu nyumbani kwangu asi si nga sawuleka, ni txi si ningela ka Mlevhi, ni ka mluveli, ni ka wo felwa ngu vaveleki, ni ka noni, nga ti u nga ni leletisa tona. Kha na ndaka, kambe kha na divala sirumo sako.

Dhewuteronome 12:11

Sekoko ku nava ni wukhalo wule a no wu sawula Mkoma, Txizimu txanu, kasi ku ditina dakwe di zumba kona; mi na tisa koneho sotshe si ni mi leletako: Miningelo yanu yo hiswa, ni miphaxo yanu, ni sa wugumi sanu, ni mningelo wo ndiwitelwa wa manzani kwanu, ni sotshe si mi nova mi di xambanyile ka Mkoma.

Dhewuteronome 12:6

Se mi na yisa kona miningelo yanu yo hiswa, ni timhamba tanu, ni miningelo yanu ya sa wugumi, ni siningo sa kundiwitela sa manza anu, ni miphaxo ya kuxambanya kwanu, ni miningelo ya kuranda kwanu, ni matiwula a tihomu tanu ni tinvuta tanu.

Mitengo 18:9

Hagari ka siya si so sawuleka ngutu kuleka ngu si so maha ngu kuhiswa; asi i ku sako ngu siya: Miningelo yawe yotshe, miningelo ya sakudya, ni miphaxo; yotshe ya kuonha, ni miphaxo yotshe ya minandu, ayi va no maha midiho kwangu; sotshe asi so sawuleka ngutu nzako, ni vanana vako.

Levhi 21:10

Mphaxeli wa hombe, awu i ku mthangeli hagari ka va ka kwawe, awu a nga thelwa mtona wo totwa ha msungo kwakwe, awu a nga emiselwa ku a txi ambala syambalo sa wuphaxeli, kha na kuleka misisi yakwe yi di vhinganyekete, kambe kha na kuvharulela syambalo sakwe.

Levhi 8:30

Kambe Mosi a to teka mtona wo tota ngu wona, ni mnoha wu wu nga ti txitimwi ka txiluvelo, xwayela ngu sona Aroni ni syambalo sakwe sa wuphaxeli, kumweko ni vanana vakwe, ni syambalo sawe sa wuphaxeli. Ngu toneto, Mosi a katekisile Aroni ni vanana vakwe, kumweko ni syambalo sa wuphaxeli.

Levhi 6:26

Mphaxeli wule a no wu mingela ngu mhaka ya txionho, a na dya; wu na dyelwa ha wukhaloni ko sawuleka, ha mtendelani ka ditenda da msengeletano.

Levhi 6:20

Awuwa mningelo wa Aroni ni vanana vakwe, va no ningela ka Mkoma, ka ditshiku dile wene a no totwa ku va mphaxeli: Mpimo wa wugumi wa efa wa mpupu wa wunene, ngu mningelo wa sakudya; hafu yimweyo ni mixo, yimwani hafu ni minova.

Eksodha 29:21

Sekoko u na teka mnoha wu wu ku ha txiluveloni, u txi teka mtona wa kutotwa ko gwitisa, u txi si xwayela ka Aroni ni syambalo sakwe, ka vanana vakwe ni syambalo sawe; a na va a di sawulekisile ene ni syambalo sakwe, vanana vakwe ni syambalo sawe ni vona.

1 Vakorinto 9:13

Ina kha mi tizivi ti to vaphaxeli va timhamba va hanya ngu sa dithepeleni kani? Ni ti to ava va vhunetelako ha txiluveloni va mana txyavelo txa ha txiluveloni, kani?

Levhi 7:14

Se ka wotshe mningelo, a na ningela tximwetxo txa sona, ku va mningelo wo ndiwitelwa masoni ka Mkoma, wu na lumba mphaxeli wule a nga xwayela mnoha wa mningelo wa kudikha.

Levhi 7:28

Mkoma a wombile ka Mosi a txi khene:

2 Makronika 31:4

A to ruma vathu, vahanyi va Jerusalema kuningela txyavelo ka vaphaxeli ni Valevhi kasiku ve mana mtamo wo khatalela Mlayo wa Mkoma.

Eksodha 28:43

Aroni ni vanana vakwe, va na si ambala mbimo yi va wulelako amu ka ditenda da msengeletano, mwendo mbimo yile va tshuketako ha txiluveloni, kuya maha mthumo ka wukhalo wo sawuleka, kasi ku va si mani txionho, va txi fa; atxiya i nava txileleto txa kala kupinduka, ka Aroni, ni ka liveleko lakwe, msana kwakwe.

Eksodha 29:28

Atiya ti nava mthetho wo mbi na magwito, awu Aroni ni vanana vakwe va no wu amukela ngu ka vanana va ka Israyeli, nguko i mningelo wa hombe; wu na va mningelo wu va ka Israyeli va no wu maha kasiku dhumisa Mkoma, ngu txitimwi ka miningelo yawe ya miphaxo yo thutha.

Levhi 23:20

Mphaxeli a na maha mningelo wo ndiwitela ngu sotsheso, kumweko ni mapawu a mihando yo khata, masoni ka Mkoma, ni sinvutana simbidi; si si lumba ene Mkoma, kasi kuvhuna mphaxeli ngu sona.

Mitengo 5:9

Sotshe si so sawuleka, asi vanana va ka Israyeli va heleketako ka mphaxeli si lumba ene.

Dhewuteronome 18:1

“Vaphaxeli va ka Levhi, lotshe lihunzu la ka Levhi, kha va na mbi va ni txyavelo mwendo thomba kona Israyeli; va va na hanya ngu minigelo yile yi hiselwako Mkoma, ni sile si mlumbako.

2 Vafumeli 12:16

Aniko male ya mningelo wa kudivalelwa, ni mningelo wa txionho, yi si tiswi Nyumbani ka Mkoma; kambe yi txi lumba vaphaxeli.

2 Makronika 31:5

Msana ka kuva txiziviso txi di zivilwe ngu vanana va ka Israyeli va to tisa fulaho yayingi yo khata, ni vhinya ya yiphya, ni mtona ni wulombe ni simwani ngu kutala ka sona sa thembweni ve ningela ni sa wugumi wa simaha sotshe si va nga funyela tithembweni kwawe.