Mitengo 18:7 - Bhiblia Yo Sawuleka

⁷ Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Mitengo 18:7 Referans Kwoze

Johani 3:27

Johani a to xamula a txi khene: “M'thu kha sikoti kumana txilo ni txa tximwetxo, ngako a sa ningwa ngu nzuma.

Mitengo 3:10

Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

Mitengo 18:20

Mkoma a to womba ka Aroni, a txi khene: Awe, khu na mbi va ni thomba ditikoni kwawe, awe khu na mbi va ni txyavelo txa txilo hagari ka vanana va ka Israyeli.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Mitengo 1:51

Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Levhi 16:2

Mkoma koko a to khene ka Mosi: Gela Aroni mwananu asi wuleli ni ka txihi txikhati amu ka wukhalo wo sawuleka, asi pindi m'jiyo, awu wu hambanisako madhawa a mambidi a wukhalo wo sawuleka, masoni ka txikhalo txa wuxinji txi manekako txitimwi ka mtundu, kasi asi manwi ngu phango ya kufa, nguko ni na ti humelelisa ngu direfu txitimwi ka txikhalo txa wuxinji.

Eksodha 29:9

U na sunga Aroni ngu libhande ni vanana vakwe, avale u no va ambalisa sigoko. Wuphaxeli wu na va lumba kala kupinduka. U na va u txi emisela Aroni ka wuphaxeli ni vanana vakwe.

Matewu 10:8

Hanyisani valwali, wusani vakufa, basisani vatshekela, tovelani mimoya yo biha. Mi to ningwa mahala, na nanu va ningeni mahala.

1 Pedro 5:2

Dyisani mtxhambi wa Txizimu, awu mi nga vekelwa, mi txi wu xayisa, i si nga ngu kukurumetwa, aniko, ti maheni ngu kuranda ka mbilu, i si nga ngu moya wa nzambwa ya kulava dibhindu; ti maheni ngu kutiningetetela ka mbilu;

1 Pedro 5:3

mi si ti mahi ku nga vafumeli txitimwi ka vale mi nga vekelwa, aniko ti maheni vakombisi va nzila ya yinene ka mtxhambi wanu.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Mitengo 18:3

Vona va na maha mthumo wako ni wa ditenda dotshe. Aniko va nga thuke ve tshuketa aha ka siya so sawuleka, hambi ha txiluveloni, nguko va ngafa, kumweko ni nawe.

Dhewuteronome 18:2

Ngu kumaha keto, kha va na mbi va ni thomba hagari ka vanawe; Mkoma ngene i kuthomba yawe, nga ti ene a nga va gela.

Joxuwa 18:7

Valevhi va na mbi va ni txyavelo txa thomba hagari kwanu; nguko wuphaxeli wa Mkoma ngu yona thomba yawe. Kasi Gadhi, ni Rubheni ni hafu ya lihunzu la ka Manasi, va amukete thomba yawe mtxhatuko ka Jordhani, wutxani, ayile Mosi, txithumi txa Mkoma, a nga va ninga.

Ezekhiyele 44:8

Aniko kha ma vekisa silayelo sa simaha sangu so sawuleka; kambe anu mipune mi ti mahile vaxayise va silayelo sangu, nyumbani kwangu ko sawuleka.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

Ezekhiyele 44:16

Va na wulela nyumbani kwangu ko sawuleka, kambe va na tshuketa mezani kwangu, ku ta ni thumela, ni kuvekisa txileleto txangu.

Levhi 7:35

Adiya didhawa nda Aroni ni vanana vakwe, kukhukhela mbimo yi va nga vekwa kuva vaphaxeli va timhamba ka Mkoma.

Masalmo 115:10

Nyumba ya Aroni, themba Mkoma! Nguko ene ngene Mvhuni ni Muvhikeli wako.