Mitengo 18:5 - Bhiblia Yo Sawuleka

⁵ Mi na xayisa siya sa wukhalo wo sawuleka, ni mthumo wa txiluvelo, kasi ku si maneki kambe txiviti txo wukela vanana va ka Israyeli.

Mitengo 18:5 Referans Kwoze

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Mitengo 16:46

Se Mosi a to khene ka Aroni: Thavisa txiya txo hisela ka txona dibaselo, u hala mndilo wa ha ka txiluvelo, u txiya thela konemo dibaselo; u kuluveta u txiya ka msengeletano u ya maha mphaxo wo thavisa txionho, nguko Mkoma wata ni mtungu, a henyile ngutu, se wu khatile.

Levhi 24:3

Aroni a na si txhatxhameta masoni ka Mkoma yotshe mbimo, kukhukhela ni minova kala mangwanani ka kona ni mixo, ngu hahanze ka txibhiya txa ditenda da msengeletano; mlayo wuwa wu fanete ku va ho yotshe mbimo, ka tiveleko tanu.

1 Timoti 6:20

Awe Timoti, veketa si u nga vekelwa manzani kwako, tsimbilela kule ni siwombawomba sa walo, ni kukanetisana ngu timhaka ta wuzivi wa makuhu.

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

1 Timoti 3:15

kasiku ngako ni txi thuka ni txi swela, u na ziva ti u fanelako kuhanyisa tona nyumbani ka Txizimu, i ku Dibanza da Txizimu txi txi hanyako: Ngu dona i ku phande ya hombe ni txihiketo txa ditshuri.

1 Timoti 1:18

Ayi ngu yona gondo yi ni ku vekelako manzani kwako, mwanangu Timoti, madingano ni siprofeto si si nga wombwa ngu kale, na si txi komba awe; lwana yimbi ya yinene, u txi tsaniswa ngu sona siprofeto sile;

Zakariya 10:3

Kuhenya kwangu ka tura kuwukela vadyisi, se ni na tsayisa vamabhongwe; kambe Mkoma wa Mabutho a Tiyimbi a na endela mtxhambi wakwe, i ku nyumba ya ka Judha, se a na va maha ku nga dihantxhi dakwe do thaviseka yimbini.

Jeremiya 23:15

Ngu konaho, nda ku nga tona eto a wombako Mkoma wa Mabutho a Tiyimbi xungetano ngu vaprofeti: Ni na va dyisa manonwe ni ku va dyisa nyongwa, nguko kwa mbi sawuleka ku tshapela dotshe ditiko. Na ku txi huma ngu ka vaprofeti va Jerusalema.

1 Makronika 24:5

Se va to abaniselwa ngu kuxaxuva tixolo, mmweyo ka vamwani; nguko ku ti ni vathangeli va wukhalo vo sawuleka, ni vathangeli va Nyumbani ka Txizimu, hagari ka vanana va Eleyazari ni hagari ka vanana va Itamari.

1 Makronika 9:33

Vamwani ka vava i ti vaembeleli, ni vathangeli va tinyumba ta vatate, hagari ka Valevhi, va txi zumba sinyumbanani, va si nga ni mthumo wumwani; nguko wusiku ni mitshikari va ti maneka ka mthumo wonewo.

1 Makronika 9:23

Vona ni vanana vawe va ti ka sike sa Nyumba ya Mkoma, ka nyumba ya ditenda, kumweko ni vawoneleli.

1 Makronika 9:19

Se Salumi, mwana Kore, mwana Ebhiyasafi, mwana Kora, ni vanawe va nyumba ya tate wawe, va ka Kora, va ti ti ni mthumo wo sawuleka, kambe i ti vawoneleli va txike txa ditenda; kambe vatate vawe i ti vathangeli va yimbi ya wugovelo wa Mkoma, ni vawoneleli va txike.

Mitengo 8:19

Kha ditshuri ni ningete Valevhi ka Aroni ni ka vanana vakwe, ti to ve maha mthumo wa vanana va ka Israyeli, amu ka ditenda da msengeletano, ni ti to ve maha mphaxo wa midiho ya vanana va ka Israyeli, kasi ku si dhuki kuhuma phango hagari ka vanana va ka Israyeli, mbimo yi va tshuketako hafuhi ka wukhalo wo sawuleka.

Mitengo 8:2

Gela Aroni u txi khawe: Mbimo yi u vekako malambu ha phandeni, veka mtxhanu wa malambu ni mambidi, kasi kuwoningeta ka didhawa da masoni ka phande ya malambu.

Levhi 10:6

Se Mosi a to womba ka Aroni ni ka vanana vakwe, i ku Eleyazari ni Itamari, a txi khene: Anu mi nga vhununguleni misungo yanu hambi kuvharhula syambalo sanu, mi txi komba ku va dila, nguko mi nga fa, ngu kuva mi di vhutukisile dikhulo da Txizimu hagari ka msengeletano wotshe, kambe maxaka anu vanana va ka Israyeli, ngu vona va no dila ngu mhaka ya wuhya wuwa Mkoma a nga wu maha.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 18:4

Aniko va na va hafuhi ni nawe, ve kuvhunetela mithumo ya mu ditendani ka msengeletano, ni yotshe mithumo ya ditenda; kambe awu i ku mluveli a nga tshukete hafuhi kwanu.

Ezekhiyele 44:16

Va na wulela nyumbani kwangu ko sawuleka, kambe va na tshuketa mezani kwangu, ku ta ni thumela, ni kuvekisa txileleto txangu.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 4:18

“Wonani tito, ka nyumba ya lihunzu la ka Kohate, mi nga dhuke mi yi humisa amu ka lihunzu la ka Levhi.

1 Makronika 23:24

Avava ngu vona vanana va ka Levhi, madingano ni nyumba ya vatate vawe, vathangeli va vatate vawe, madingano ni ti va nga baliswa tona ngu mtengo wa matina, madingano ni vathangeli, vale va nga ti maha mthumo wa Nyumbani ka Mkoma, va tanga ya magumi mambidi a malembe ni mtxhanu ni kuya masoni.

1 Makronika 23:32

ni kuxayisa kha kwati ditenda da msengeletano, ni wukhalo wo sawuleka, ni kuvhuna vanana va ka Aroni, vanawe, ka mthumo wa Nyumbani ka Mkoma.

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.