Mitengo 18:4 - Bhiblia Yo Sawuleka

⁴ Aniko va na va hafuhi ni nawe, ve kuvhunetela mithumo ya mu ditendani ka msengeletano, ni yotshe mithumo ya ditenda; kambe awu i ku mluveli a nga tshukete hafuhi kwanu.

Mitengo 18:4 Referans Kwoze

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Mitengo 3:10

Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

Mitengo 1:51

Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Mitengo 18:3

Vona va na maha mthumo wako ni wa ditenda dotshe. Aniko va nga thuke ve tshuketa aha ka siya so sawuleka, hambi ha txiluveloni, nguko va ngafa, kumweko ni nawe.

Mitengo 18:5

Mi na xayisa siya sa wukhalo wo sawuleka, ni mthumo wa txiluvelo, kasi ku si maneki kambe txiviti txo wukela vanana va ka Israyeli.

Mitengo 31:30

Aniko ka hafu ya vanana va ka Israyeli, amu ka mtxhanu wa magumi, u na teka tximwetxo, ka vathu ni ka tihomu, ka timbongola ni ka tinvuta, ka sotshe sihari; se u na si ningela ka va ka Levhi, va ku ni mthumo wa kuwoneleta ditenda da Mkoma.

Ezekhiyele 44:14

Hambi keto, ni na va maha vaxayisi va sileleto sa nyumba, ka yotshe mithumo ya kona, ni totshe tile ti no thumwa ka yona.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 8:26

Kambe wa sikota kuthuma ni vakwawe ditendani ka msengeletano, kasi kuxayisa siya; aniko kha na mbi maha wumwani mthumo; u na maha toneto ka Valevhi, ngu didhawa da mthumo wawe.