Mitengo 18:27 - Bhiblia Yo Sawuleka

²⁷ Se mningelo wanu wo ndiwitelwa wu na balwa kwanu, kufana ni mningelo wa ha wuhuleloni, ni ku nga vhinya ya yiphya ya dipipani.

Mitengo 18:27 Referans Kwoze

Mitengo 18:30

Ngako u di mahileto, u na khawe kwawe: Ku nga ti mi txi ningela ngu so tshura ngutu, si na ningwa Valevhi, kufana ni fulaho ni vhinya si ningwako ngu vamwani.

2 Vafumeli 6:27

Se ene a to khene: Ngako Mkoma asi ku lamuleli, ni na si mana hayi sakudya ni vhinya so kulamulela ngu sona kani?

Dhewuteronome 15:14

Mninge sifuyo sokari sa mtxhambi wako, ni silo sa ha dithalani kwako, ni sa mu dipipani kwako, u txi m'vhuna ngu sile, Mkoma, Txizimu txako, a nga kukatekisa ngu sona.

Mitengo 15:20

Ka sile so khata kuelulwa, mi na ningela txibhubhutela txo ndiwitelwa; kumweko ni mningelo wa wuhuleloni, mi na ningela tona eto.

Genesisi 50:10

Ngako va di hokile koko wuhuleloni ka Goreni-Atadhe, ngu didhawa da wutxani ka mnambo wa Jordhani, koneyo va to maha tifanelo ta madila a hombe, Josefa a salukile tate wakwe, a txi heta mtxhanu wa masiku ni mambidi.

Mitengo 18:26

Se u na womba ka Valevhi u txi khawe: Ku ngako u txi amukela sa wugumi sa vanana va ka Israyeli, asi ni mi ningako kuva thomba yanu, nanu mi na thavisa sa wugumi ka sona, mi ningela ka Mkoma.

Mitengo 18:28

Konaho mi na ningela ka Mkoma sa wugumi, ka sotshe si mi no si amukela ka vanana va ka Israyeli; ngu msana keto mi na ningela mningelo wa Mkoma ka mphaxeli Aroni.