Mitengo 18:26 - Bhiblia Yo Sawuleka

²⁶ Se u na womba ka Valevhi u txi khawe: Ku ngako u txi amukela sa wugumi sa vanana va ka Israyeli, asi ni mi ningako kuva thomba yanu, nanu mi na thavisa sa wugumi ka sona, mi ningela ka Mkoma.

Mitengo 18:26 Referans Kwoze

Nehemiya 10:38

Ni ti to mphaxeli, mwanana wa Aroni, a na va ni Valevhi mbimo yi Valevhi va amukelako sa wugumi, se Valevhi va na tisa wugumi wa wugumi Nyumabani ka Txizimu txathu, sinyumbanani ka nyumba ya wuxayiselo.

Mitengo 18:21

Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.

Vahebheru 7:5

Se vanana va Levhi, ava va nga ningwa mthumo wa wuphaxeli, va tumelelwa ngu mlayo kuamukela wugumi wa si si humiswako ngu vathu va i ku vanawe, kasi ni vona mba lixaka la Abrahamu.

Mitengo 18:25

Mkoma a to womba ka Mosi a txi khene:

Mitengo 18:27

Se mningelo wanu wo ndiwitelwa wu na balwa kwanu, kufana ni mningelo wa ha wuhuleloni, ni ku nga vhinya ya yiphya ya dipipani.

Mitengo 15:21

Ka sile mi no khata ngu sona kuelula, mi na ningela ka Mkoma, mningelo wo ndiwitelwa, ka totshe tiveleko tanu.”

Nehemiya 10:39

Nguko vanana va ka Israyeli ni vanana va ka Levhi va na wuyisa mningelo wo ndiwitelwa wa mafaka, ni wa vhinya ni wa mafura ka sinyumbana sile, amule ku ku ni siya sa wukhalo wo sawuleka, ni vaphaxeli va va thumako, ni vawoneleli va sike, ni vaembeleli. Se ngu mamahelo eyo kha yi na mbi leka Nyumba ya Txizimu txathu.