Mitengo 18:23 - Bhiblia Yo Sawuleka

²³ Ngu mhaka yeto, va na thuma mthumo wa ditenda da msengeletano, ve rwala vapune mnandu wawe. Atxiya txi na va txileleto txa kala kupinduka, ka tiveleko tanu, kha si na mbi va ni thomba hagari ka vanana va ka Israyeli.

Mitengo 18:23 Referans Kwoze

Mitengo 3:7

se va na va ni mthumo wa wuwoneleli, ni kuwonelela wotshe msengeletano, amu ka ditenda da msengeletano, ngako va txi huma mu nyumbani.

Mitengo 18:20

Mkoma a to womba ka Aroni, a txi khene: Awe, khu na mbi va ni thomba ditikoni kwawe, awe khu na mbi va ni txyavelo txa txilo hagari ka vanana va ka Israyeli.

Mitengo 18:1

Sekoko Mkoma a to khene ka Aroni: Awe, ni vanana vako, ni nyumba ya tate wako, mi na amukela kunemela ka nyumba yo sawuleka, ni ti to awe ni vanana vako, mi na rwala mnandu wa wuphaxeli wanu.

Eksodha 27:21

Amu ka ditenda da msengeletano, ngu hahanze ka m'jiyo, awu wu fenengetako wufakazi, Aroni ni vanana vakwe va na thela mtona wuwa amu ka malambu, kasiku me tura kukhukhela ni minova kala ditxitxa, me woninga masoni ka Mkoma. Awuwa mthetho wu na vaho ka vanana va ka Israyeli ni ka situkulwana sawe sotshe.”

Mitengo 26:62

Se ava va nga balwa hagari kwawe i 23.000, votshe vavamna va tanga ya mtxima kuya masoni; nguko avava kha va balwa hagari ka vanana va ka Israyeli, nguko kha va ningwa thomba hagari ka vanana va ka Israyeli.

Ezekhiyele 44:10

Kambe va ka Levhi vale va nga ya kule ni nani, mbimo yile Israyeli i nga ti mpepeseki, va nga ti ti maneka va di hambukile, ve hambana ni nani, va txi londetela sithombe sawe, evo va na rwala wubihi wawe vapune.

Mitengo 19:21

Awuwa wu na va mlayo wo mbi gwita kwawe. Awu a no xwayela mati o sawuleka, a txi gwita a na kuwula syambalo sakwe; ni wu a no gwesa mati o sawulekisa ngu ona, a na va a sa sawuleka nene, kala ni minova

Mitengo 35:29

Timhaka tiya ti nava i di mthetho wo dingana tiveleko tanu, kotshe amu mi no ya zumba kona.

Dhewuteronome 10:9

Ngu mhaka ya toneto, Valevhi kha va na kuavelwa thomba kumweko ni vanawe; Mkoma ngene i kuthomba yawe, nga ti Mkoma, Txizimu txako, a nga va gelisa tona.

Joxuwa 13:14

Lihunzu la ka Levhi ngu lona lokha li nga mbi ningwa thomba; nguko thomba ya lona ngu timhamba ti ti mahelwako Mkoma, Txizimu txa ka Israyeli, madingano ni ti txona txi nga womba.