Biblia Todo Logo
Bib sou entènèt

- Piblisite -




Mitengo 18:21 - Bhiblia Yo Sawuleka

21 Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.

Gade chapit la Kopi




Mitengo 18:21
26 Referans Kwoze  

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.


Hi na teka mpupu wathu wo khata, ni miningelo yathu yo ndiwitelwa, ni mihando ya mindonga yotshe, ni vhinya, ni mafura hi si ningela ka vaphaxeli, sinyumbanani ka Nyumba ya Txizimu; hi ningela ka Valevhi sa wugumi sa thembweni kwathu; nguko Valevhi va na teka sa wugumi ka tithembwe tathu ka otshe madhoropa.


Se vanana va Levhi, ava va nga ningwa mthumo wa wuphaxeli, va tumelelwa ngu mlayo kuamukela wugumi wa si si humiswako ngu vathu va i ku vanawe, kasi ni vona mba lixaka la Abrahamu.


Awule a gondiswako Dipswi, a na abane ni m'gondisi wakwe sotshe sa sinene si a ku naso.


Sekoko, dotshe ditiko da Judha di to tisa sa wugumi sa tindoho, ni vhinya, ni mtona, amu sisangalani.


va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;


Va to wuletisela ka sona miningelo ni sa wugumi ni silo so sawuleka; totshe ti txi thangelwa ngu Konaniya, Mulevhi, ni Simeyi mnanda wakwe.


Wonani ti to konkuwa, ni sawute vanana va ka Levhi, ni va thavisa hagari ka vanana va ka Israyeli, ve ningelwa kwanu ni ka Mkoma, kasi ve thuma mthumo wa ditenda, ni wa msengeletano.


Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.


Sekoko ka Mkoma, u na teka nduwo ya vavamna va yimbi, avale va nga huma veya yimbini; amu ka 500, njimaha tximwetxo, ka vathu hambi ni ka tihomu, ka timbongola ni ka tinvuta.


a na mana sakudya so dingana ni sa vamwani vaphaxeli, hahanze ka sile asi manako ngu kuxavisa thomba yakwe!”


Sekoko ka masiku a Zorobhabheli ni ka masiku a Nehemiya, votshe va ka Israyeli va ti ti ningela sakudya sa vaembeleli ni sa vawoneleli va sike, ka mmweyo ni mmweyo ngu ditshiku dakwe; se va ti ti si sawulekisela Valevhi, ni vona Valevhi ve si sawulekisela vanana va Aroni.


se a to mlongisela nyumba ya hombe, eyo ku nga ti vekwa ka yona miningelo ya sakudya, dibaselo, siya, ni sa wugumi sa tindoho, ni vhinya, ni mtona, asi ku nga leletwa to si ningwa Valevhi, ni vaembeleli, ni va woneleti va sike, kufana ni mningelo wa kundiwitelwa wa vaphaxeli.


Sekoko mi na tiziva taku ani ni mi rumete txirumo txiya, kasi ku txitumelelano txangu ni va ka Levhi txi tsana, kuwomba Mkoma wa Mabutho a Tiyimbi.


Tisani sotshe sa wugumi ka nyumba ya wuxayiselo, ti to ku nava ni sakudya nyumbani kwangu, se ngu kumaha keto ni duketeni, kuwomba Mkoma wa Mabutho a Tiyimbi, ku mwendo na mbi mi tulela mafasitela a nzumani, ni mi tshakunutela makatekwa o tala, aya mi no pwata ni ko thela kona.


Aniko ngu mbimo ya kuelula, ka mtxhanu wa tipimo ta si mi nga elula, mi fanete kuninga Faro mpimo wumwewo, anu mi txi mana kudya, anu ni timwaya tanu, ni vanana vanu.


Josefa a to veka mthetho ngu mhakeyo, awu wu thumako kala ni nyamsi ka ditiko dotshe da Egipta: Ka mtxhanu wa tipimo ta sotshe si si elulwako mu tithembweni, mpimo wumwewo wu lumba Faro. Tshambi tithembwe ta vaphaxeli kha ta tekwa ti txi maha ta Faro.


“Tshuketisa lihunzu la ka Levhi, u li veka hawa ko vhunetela Aroni, mphaxeli: Vona va na thuma nayo;


Ni ti to mphaxeli, mwanana wa Aroni, a na va ni Valevhi mbimo yi Valevhi va amukelako sa wugumi, se Valevhi va na tisa wugumi wa wugumi Nyumabani ka Txizimu txathu, sinyumbanani ka nyumba ya wuxayiselo.


Swiv nou:

Piblisite


Piblisite