Mitengo 18:20 - Bhiblia Yo Sawuleka

²⁰ Mkoma a to womba ka Aroni, a txi khene: Awe, khu na mbi va ni thomba ditikoni kwawe, awe khu na mbi va ni txyavelo txa txilo hagari ka vanana va ka Israyeli.

Mitengo 18:20 Referans Kwoze

Ezekhiyele 44:28

Vaphaxeli va na va ni thomba; ani ni na va thomba yawe; kha mi na mbi va ninga thomba kona Israyeli; ani ngani thomba yawe.

Dhewuteronome 10:9

Ngu mhaka ya toneto, Valevhi kha va na kuavelwa thomba kumweko ni vanawe; Mkoma ngene i kuthomba yawe, nga ti Mkoma, Txizimu txako, a nga va gelisa tona.

Joxuwa 13:33

Kambe lihunzu la ka Levhi, Mosi kha nga li ninga thomba; nguko Mkoma, Txizimu txa ka Israyeli ngene i kuthomba yawe, nga ti va nga va gelisa tona.

Sidilo 3:24

Ni womba toneto, ni khani: Mkoma Txizimu i thomba yangu ngu toneto ni veka themba yangu kwakwe.

Joxuwa 14:3

Nguko Mosi a ti ti abanisete thomba ka tihunzu ta timbidi ni ka yimwani hafu ya lihunzu, mtxhatuko ka Jordhani; aniko ka Valevhi kha va ningwa thomba hagari kwawe.

Dhewuteronome 14:27

Aniko u nga leke Mlevhi wule a ku mndani ka sike sako; nguko kha nga ni txyavelo, hambi thomba, kufana ni nawe.

Dhewuteronome 12:12

Se mi na tsaka masoni ka Mkoma, Txizimu txanu, anu ni vanana vanu va majaha ni vamahorana, ni sithumi sanu sa vavamna ni sa vavasikati, ni Valevhi vale va zumbako madhoropani kwanu nguko vona kha va nga ni txyavelo, hambi thomba, kumweko ni nanu.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Masalmo 142:5

Ni dite kwako awe Mkoma, ni txi khani: “Awe ngawe wuthavelo wangu; kambe u thomba yangu ka mafu ya va va hanyako!”

Masalmo 16:5

Mkoma, awe u txyavelo txangu, digombe di di ni lumbako; wutomi wangu wu manzani kwako.

Joxuwa 18:7

Valevhi va na mbi va ni txyavelo txa thomba hagari kwanu; nguko wuphaxeli wa Mkoma ngu yona thomba yawe. Kasi Gadhi, ni Rubheni ni hafu ya lihunzu la ka Manasi, va amukete thomba yawe mtxhatuko ka Jordhani, wutxani, ayile Mosi, txithumi txa Mkoma, a nga va ninga.

Masalmo 73:26

Hambi ngako mmidi wangu wu txi karala, Txizimu ngu txona txi ningako mtamo mbilu yangu; ngu txona i kuthomba yangu yo mbi guma.

Dhewuteronome 14:29

Sekoko a nata Mlevhi (nguko kha nga ni txyavelo hambi thomba kufana ni nawe), ni wa matiko, ni wo felwa ngu vaveleki, ni noni, va kuho mndani ka sike sako, se va na dya, va txi khura, kasi ku Mkoma, Txizimu txako, a na kukatekisa, ka yotshe mithumo ya manza ako, ayile u no yi maha.

Mitengo 26:62

Se ava va nga balwa hagari kwawe i 23.000, votshe vavamna va tanga ya mtxima kuya masoni; nguko avava kha va balwa hagari ka vanana va ka Israyeli, nguko kha va ningwa thomba hagari ka vanana va ka Israyeli.

Joxuwa 13:14

Lihunzu la ka Levhi ngu lona lokha li nga mbi ningwa thomba; nguko thomba ya lona ngu timhamba ti ti mahelwako Mkoma, Txizimu txa ka Israyeli, madingano ni ti txona txi nga womba.

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.