Mitengo 18:2 - Bhiblia Yo Sawuleka

² U na tsuketisa hafuhi vananu i ku va nyumba yaka Levhi, lihunzu la tate wako, va na va kumweko ni nawe, va txi kuthumela, mbimosi awe ni vanana vako mi khozelako masoni ka ditenda da Wufakazi.

Mitengo 18:2 Referans Kwoze

Genesisi 29:34

A to engeta kambe e mana txirumbu txa wuraru, e veleka mmwani mwanana, a txi khene: “Konkuwa mwamna wangu a na namarela kwangu, nguko ni m'velekete mazambi mararu, ngu kumaha keto, a to mraya ditina daku i Levhi.”

Ezekhiyele 44:15

Aniko vaphaxeli vale va ka Levhi, i ku vanana va Zadhoki, vale va nga xayisa txileleto txa nyumba yangu yo sawuleka, mbimo yile vanana va ka Israyeli va nga hambuka kwangu, Valevhi va tshuketile kwangu, ku ta ni thumela, va na va masoni kwangu, ku ta ni ninga mafura ni mnoha, kuwomba Mkoma Txizimu.

2 Makronika 30:16

Va toya zumba ha wukhaloni kwawe, madingano ni Mlayo wa Mosi, m'thu wa Txizimu. Vaphaxeli vona va txi theletela mnoha txitimwi ka txiluvelo, awu va nga wu amukela manzani ka Valevhi.

Mitengo 18:4

Aniko va na va hafuhi ni nawe, ve kuvhunetela mithumo ya mu ditendani ka msengeletano, ni yotshe mithumo ya ditenda; kambe awu i ku mluveli a nga tshukete hafuhi kwanu.

Mitengo 17:7

Se Mosi a to veka tindonga masoni ka Mkoma, amu ditendani ka txitumelelano.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mitengo 8:22

Msana keto, Valevhi va to ta ve ta maha mthumo wawe, amu ka ditenda da msengeletano, masoni ka Aroni ni masoni ka vanana vakwe, madingano ni ti Mkoma a nga leleta ka Mosi, ngu didhawa da Valevhi, ngu toneto va nga mahelwa tona.

Mitengo 8:19

Kha ditshuri ni ningete Valevhi ka Aroni ni ka vanana vakwe, ti to ve maha mthumo wa vanana va ka Israyeli, amu ka ditenda da msengeletano, ni ti to ve maha mphaxo wa midiho ya vanana va ka Israyeli, kasi ku si dhuki kuhuma phango hagari ka vanana va ka Israyeli, mbimo yi va tshuketako hafuhi ka wukhalo wo sawuleka.

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Vahebheru 9:6

Ngako si di lulamisilwe sotshe, vaphaxeli va ti wulela ka ditenda do khata ka mbimo yihi ni yihi, va txi thuma mthumo wawe wa wuphaxeli.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 3:5

Se Mkoma a to womba ka Mosi a txi khene:

Ezekhiyele 44:11

Hambi keto, va na thuma nyumbani kwangu ko sawuleka, va txi xayisa sike sa nyumba, va na thuma nyumbani; va na daya mningelo wa kuhiswa, ni mphaxo wa vathu, kambe va na va masoni ka vathu, kasi ku va thumela.

Malakiya 2:4

Sekoko mi na tiziva taku ani ni mi rumete txirumo txiya, kasi ku txitumelelano txangu ni va ka Levhi txi tsana, kuwomba Mkoma wa Mabutho a Tiyimbi.