Mitengo 18:19 - Bhiblia Yo Sawuleka

¹⁹ Yotshe miningelo ayi vanana va ka Israyeli va no ninga Mkoma, ya simaha so sawuleka si nota ningelwa kwako, kumweko ni ka vanana vako, va mazambi ni vamahorana, awuwa wu na va mlayo wa yotshe mbimo. Nguko atxiya, njitumelelano txa kala kupinduka, txa mnyu masoni ka Mkoma, a txi txi no maha txako ni ka liveleko lako.

Mitengo 18:19 Referans Kwoze

2 Makronika 13:5

Kha mi tizivi ti to Mkoma Txizimu txa Israyeli txi ningite wukoma wa va ka Israyeli ka Dhavhidha ni ka vanana vakwe, ngu txitumelelano txa m'nyu kani?

Mitengo 18:11

Asi ni sona si na maha sako: Miningelo yi vanana va ka Israyeli va humisako, ka sotshe si si guletwako ngu txikombiso txa mningelo, va txi si ningela ngu kwako, ni ka vanana vako, va mazambi ni vamahorana, eto ti nava mlayo wa yotshe mbimo. Se votshe ava va nga sawuleka ka nyumba yako, va na ni fanelo ya kusidya.

Levhi 2:13

Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.

2 Makronika 31:4

A to ruma vathu, vahanyi va Jerusalema kuningela txyavelo ka vaphaxeli ni Valevhi kasiku ve mana mtamo wo khatalela Mlayo wa Mkoma.

Dhewuteronome 12:6

Se mi na yisa kona miningelo yanu yo hiswa, ni timhamba tanu, ni miningelo yanu ya sa wugumi, ni siningo sa kundiwitela sa manza anu, ni miphaxo ya kuxambanya kwanu, ni miningelo ya kuranda kwanu, ni matiwula a tihomu tanu ni tinvuta tanu.

Mitengo 31:41

Se Mosi a to ninga mphaxeli Eleyazari, siningo sile si nga humiselwa Mkoma, nga ti Mosi a nga rumiswa tona ngu Mkoma.

Mitengo 31:29

Se dimwani didhawa, mi na teka mi ningela ka mphaxeli Eleyazari, ka mningelo wo ndiwitelwa, ka Mkoma.

Mitengo 18:8

Mkoma a to khene kambe ka Aroni: “Wona ti to awe ni ku ningile mthumo wa sotshe so sawuleka asi vanana va ka Israyeli va nga si ningela kwangu; se ni si ningete kwako, kasi si txi va txyavelo kwako ni ka vanana vako, kala ka mbimo yo mbi guma.”

Levhi 7:14

Se ka wotshe mningelo, a na ningela tximwetxo txa sona, ku va mningelo wo ndiwitelwa masoni ka Mkoma, wu na lumba mphaxeli wule a nga xwayela mnoha wa mningelo wa kudikha.

Dhewuteronome 12:26

Kasi miningelo yako yo sawuleka u ku nayo ni yile u nga yi thembisa, u na yi teka u tsula nayo ka wukhalo wo sawuleka, awule Mkoma a nga wu sawula.

2 Vafumeli 12:16

Aniko male ya mningelo wa kudivalelwa, ni mningelo wa txionho, yi si tiswi Nyumbani ka Mkoma; kambe yi txi lumba vaphaxeli.

Ezekhiyele 43:24

U na si ningela masoni ka Mkoma; se vaphaxeli va theletela mnyu txitimwi ka sona, va txi si maha mningelo wo hiswa, ka Mkoma.

Eksodha 29:27

U na sawulelekisa khana ayi yi nga ningelwa, ni mnenge wu wu nga thaviswa, awu u nga wu ndiwitela, ni ku wu thavisa ngu kuhambanisa aha ka txihambana txa mhamba yo sawuleka, ayi yi nga maha ya Aroni ni vanana vakwe.

Levhi 21:22

Ene wa sikota kudya sakudya sa Txizimu txakwe, asi i ku mhamba, simaha sa kusawuleka ka kusawuleka, simaha sa kusawuleka ngutu.