Mitengo 18:12 - Bhiblia Yo Sawuleka

¹² Wotshe mtona wa wunene, ni vhinya yotshe ya yiphya, kumweko ni fulaho, ni sotshe si ku sa sinene, si lumbako mningelo wa Mkoma, ni si ningile kwako.

Mitengo 18:12 Referans Kwoze

Dhewuteronome 18:4

U na va ninga mihando yo khata ya fulaho yako, ya vhinya yako ya yiphya ni mtona wako, kumweko ni matoya o khata kukaywa a tinvuta tako.

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Eksodha 34:26

U na tisa mihando yo khata ya thembweni kwako Nyumbani ka Mkoma, Txizimu txako. Khu na mbi bhika nyama ya phongo ngu masi a mame wa yona.

Dhewuteronome 26:2

sekoko u na teka mihando yo khata ka yotshe mihando yile u no elula ka dona ditiko dile Mkoma, Txizimu txako, a no kuninga, u na yi veka amu ka txirundu, u txi tsula nayo ka wukhalo wule Mkoma, Txizimu txako, a no wu sawula, kasi ku ditina dakwe di txi dhumiswa ka wona.

Levhi 23:20

Mphaxeli a na maha mningelo wo ndiwitela ngu sotsheso, kumweko ni mapawu a mihando yo khata, masoni ka Mkoma, ni sinvutana simbidi; si si lumba ene Mkoma, kasi kuvhuna mphaxeli ngu sona.

Levhi 23:17

Mi na tisa ngu mitini kwanu, mapawu mambidi, o mahwa ngu mipimo yimbidi ya wugumi, a mpupu wa wunene, o bhikwa ni mtshumbelo, aale ma nga mahelwa kuve mandiwitelwa; ngu yona mihando yo khata yo mahelwa Mkoma.

Levhi 2:14

Se ngako u txi ningela mningelo wa sakudya sa kuelula ko khata masoni ka Mkoma, u na ningela mningelo wa sakudya sa mi'buru ya kuelula ko khata, so kaxulelwa ha mndiloni, eko, sa tinyingi ta mi'buru yo pfuna.

Eksodha 22:29

U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Genesisi 27:28

Txizimu txi na ku nisela mwando wa nzumani, txi kuninga mafu o nona; ni kupfuna ka fulaho ni vhinya.

Dhewuteronome 18:3

Asiya koko si dingana kuamukelwa ngu vaphaxeli, ka vathu vale va mahako mhamba ngu homu, mwendo ngu txifuyo txatxidotho, ngu siya: Va na ningela ka mphaxeli, txiphanga, ni milaka ni divhi.

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Masalmo 81:16

Kambe ni ndi na mninga fulaho ya yinene ngutu, ni mkhurisa ngu wulombe wo huma ngu mu ka dirigwi.”

Masalmo 147:14

Wa tsanisa kudikha mndani ka mihingano ya ditiko dako a txi kukhurisa ngu fulaho ya yinene.

Ezekhiyele 44:30

Kambe matiwula a yotshe mihando yo khata ka sotshe, ni yotshe miningelo ya sotshe ka sotshe sa miningelo yanu, si na lumba vaphaxeli; ni so khata ka silo sanu, mi na si ningela ka mphaxeli, kasi ku a na txhikisa makatekwa txitimwi ka nyumba yako.

Levhi 2:12

Eso ma sikota kumaha ngu sona mningelo ka Mkoma, i ku txialakanyiso txa mihando yo khata; aniko, mi nga si hiseni txitimwi ka txiluvelo, ku nga mningelo wo bhumula wo tsakisa Mkoma.

2 Vafumeli 4:42

Se kutota wamwamna wokari ngu Bhahali-Salisa, e ta ningela ka m'thu wa Txizimu, mapawu a kufunyela ko khata, magumi mambidi a mapawu a sevhadha, ni mafaka o nakana a makamba, a nje khene: Ningela ka vathu va txi dya.

2 Makronika 31:5

Msana ka kuva txiziviso txi di zivilwe ngu vanana va ka Israyeli va to tisa fulaho yayingi yo khata, ni vhinya ya yiphya, ni mtona ni wulombe ni simwani ngu kutala ka sona sa thembweni ve ningela ni sa wugumi wa simaha sotshe si va nga funyela tithembweni kwawe.