Mitengo 18:1 - Bhiblia Yo Sawuleka

¹ Sekoko Mkoma a to khene ka Aroni: Awe, ni vanana vako, ni nyumba ya tate wako, mi na amukela kunemela ka nyumba yo sawuleka, ni ti to awe ni vanana vako, mi na rwala mnandu wa wuphaxeli wanu.

Mitengo 18:1 Referans Kwoze

Eksodha 28:38

Txona txi fanete txi txi maneka hambanza ka Aroni, se ene Aroni a na rwala kubiha ngu didhawa da simaha so sawuleka, asi vanana va ka Israyeli va no si ningela ngu miphaxo yawe yo sawuleka. Txi na maneka mbimo yotshe ha mbanza kwakwe, kasiku a txi mana wuxinji masoni ka Mkoma.

1 Pedro 2:24

Ene a nga rwala sionho sathu ngu mmidi wakwe, ha txihambanoni, kasiku, ngako hi txi fa ka txionho, hi na sikota kuhanya ngu kululama. Anu mi hanyisilwe ngu silonda sakwe.

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Vahebheru 4:15

Nguko, Mphaxeli wathu wa Hombe, hi ku nayo, hi nga ene wo sindwa ku hi pfela wusiwana ka sionho sathu, nguko nene a dukilwe ka totshe tinzila, kufana ni nathu, kambe kha maha txionho.

Isaya 53:11

A na wona mthumo wa muhefemulo wakwe, e tsaka; ngu wuzivi wakwe, txithumi txangu, mlulami, txi na emela votala, nguko wubihi wawe a na wu rwala.

Isaya 53:6

Athu hotshethu hi ti ti hangalakile kufana ni tinvuta; mmweyo ni mmweyo a ti ti tsimbila ngu nzila yakwe, aniko Mkoma a mrwekile wubihi wathu hotshethu.

Mitengo 17:13

Awu ni wu a tshuketako Nyumbani ka Mkoma, ofa. Ina kha hi na mbi guma hotshethu ngu kufa kani?

Mitengo 17:7

Se Mosi a to veka tindonga masoni ka Mkoma, amu ditendani ka txitumelelano.

Mitengo 17:3

Kambe u na bhala ditina da Aroni ka ndonga ya ka Levhi, nguko mthangeli wa nyumba ni nyumba ya vatate a na va ni ndonga yimweyo.

Mitengo 14:34

Nga ha mi nga heta mune wa magumi a masiku ngu kuxola ditiko, konkuwa mi na heta kambe mune wa magumi a malembe; nguko dilembe dimwedo di dingana ditshiku, kasi mi tiziva tito, kuhambana kwangu ni nanu nga kutxani!

Levhi 22:9

Vaphaxeli va na vekisa sirumo sangu, va si maheteli sionho, ve maneka va txi nyenyezisa sakudya sangu, se va txi dawa ngu kuva va di ndakile milayo. Ani ngani Mkoma, awu a va sawulekisako.

Levhi 10:17

Ngu kutxani mi nga mbi dya nyama ya mabhongwe, ya mningelo wa mhamba yo kuwula txionho ha wukhaloni ko sawuleka, kani? Nguko njilo txo sawuleka ngutu ka Mkoma, a mi ningile kasi ku mi rwala sotshe sionho sa msengeletano, mi maha m'diho wa sionho, masoni ka Mkoma.

Levhi 22:16

Ngako vaphaxeli va txi tumetisa vamwani vathu va txidya sa mningelo wa mhamba, vona vathuvo va na rwala txionho txi txi ku ni fanelo yo dihelwa: Ani ngani Mkoma, ni sawulekisako.

Mitengo 3:6

“Tshuketisa lihunzu la ka Levhi, u li veka hawa ko vhunetela Aroni, mphaxeli: Vona va na thuma nayo;

Mitengo 16:10

Txizimu txi ku tshuketisile awe ni votshe vananu, i ku va ka Levhi, ni ku mi lavako wuphaxeli kambe kani?

Mitengo 18:11

Asi ni sona si na maha sako: Miningelo yi vanana va ka Israyeli va humisako, ka sotshe si si guletwako ngu txikombiso txa mningelo, va txi si ningela ngu kwako, ni ka vanana vako, va mazambi ni vamahorana, eto ti nava mlayo wa yotshe mbimo. Se votshe ava va nga sawuleka ka nyumba yako, va na ni fanelo ya kusidya.

Dhewuteronome 10:8

Ngu ka yona mbimoyo ya yimweyo, Mkoma a to sawula nyumba ya ka Levhi, kasi kuva txi rwala dibhokiso da txitumelelano txa Mkoma, ni kumaneka masoni kwakwe va txi khozela Mkoma, va txi mthumela ni kukatekisa vathu ngu ditina dakwe, kala nyamsi.

Valamuli 17:12

Se Mika a to veka dijaha dile da Mlevhi, ku va mphaxeli wakwe; se zumba nyumbani ka Mika.

Ezekhiyele 4:4

Nanawe otela ngu didhawa da txibhabha, se u txi kombisa txionho txa nyumba ya ka Israyeli; madingano ni mtengo wa masiku ale u no otela, u na rwala wubihi wawe.