Mitengo 17:7 - Bhiblia Yo Sawuleka

⁷ Se Mosi a to veka tindonga masoni ka Mkoma, amu ditendani ka txitumelelano.

Mitengo 17:7 Referans Kwoze

Mithumo 7:44

“Vatate vathu va ti ti ni Ditenda da Wufakazi, txiwulani amuwa va nga ti veka kona sileti sa Mlayo. Ditenda diya, di mahilwe madingano ni ti txi nga leletisa tona Txizimu, ngako txi txi womba-womba ni Mosi, txi mleleta kambe kumaha nga txifananiso txi Mosi a nga txi wona,

Eksodha 38:21

Ngu yiya txhatxhameto ya simaha sa kuaka ngu sona, asile si nga thumiswa ha kuakani ka ditenda do sawuleka, i ku nyumba ya wufakazi, ayi yi nga akwa ngu va ka Levhi, ngu kuleletelwa ngu Mosi, na va txi thangelwa ngu Itamari, mwanana wa mphaxeli Aroni.

Mitengo 18:2

U na tsuketisa hafuhi vananu i ku va nyumba yaka Levhi, lihunzu la tate wako, va na va kumweko ni nawe, va txi kuthumela, mbimosi awe ni vanana vako mi khozelako masoni ka ditenda da Wufakazi.

Mitengo 1:50

aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela.

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Mitengo 9:15

Se ka ditshiku di va nga gwita kugwimba ditenda da msengeletano, direfu da Mkoma di to fenengeta nyumba ya kona, se kukhukhela ni minova, ku txi woneka txo nga mndilo wo tura txitimwi ka nyumba, kala ni mixo.

Mitengo 17:4

U na ti veka amu ditendani ka msengeletano masoni ka txitumelelano, aha ni tshanganako kona ni nanu.

Mitengo 17:6

Mosi koko a to xawutela ka vanana va ka Israyeli; se votshe vahombe vawe va to mninga ndonga, ni wihi wa hombe ndonga yimweyo, madingano ni tinyumba ta vatate vawe; ku to tshangana digumi da tindonga ni timbidi, ndonga ya Aroni yi di hagari ka tona.

Mitengo 14:10

Sekoko wotshe msengeletano wu txi lava ku va balisela ngu marigwi; konaho, ku to humelela kuphatima ka Mkoma, ku txi ta fenengeta ditenda da msengeletano, masoni ka votshe vanana va ka Israyeli.