Mitengo 17:5 - Bhiblia Yo Sawuleka

⁵ Se ku na maheka taku, ndonga ya wamwamna wule ni no va ni di yi sawute, yi na thunga; ngu toneto, ni na heta kungungurukela ka vanana va ka Israyeli kwangu, a kule va nga mi ngungurukelela ngu kona.

Mitengo 17:5 Referans Kwoze

Mitengo 16:5

a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.

Hoseya 14:5

Ka Israyeli ani ni na fana ni mwando, ene a na tshura kufana ni siluva, kambe a na hangalasa mitwi yakwe kufana ni Libhanoni.

Ezekhiyele 16:41

Se va na hisa tinyumba tako ngu mndilo, ve lamula ngu kuweketa, masoni ka vavasikati votala; kambe ni na wilisa wugelegele wako, khu na mbi ngadi u hakela txilo.

Mitengo 17:8

Mosi a to wulela ditendani ka txitumelelano, ngu ditshiku do gameta, a to ya wona ndonga ya Aroni yi di thungile yi tshumela yi humisa ni siluva, i ku nyumba ya ka Levhi, yi di velekile ni mihando yo vitwa.

Mitengo 16:11

Nguko awe ni wotshe msengeletano wako, mi tshanganile mi txi lwa ni Mkoma; se Aroni, i mani koza mi txi mngungurukela kani?

Ezekhiyele 23:27

Ngu kumaha keto, ni heta wubihi wako, ni wugango wako wa ditikoni ka Egipta; kambe khu na mbi va gulela maso, hambi ku ngadi u txi alakanya Egipta.

Isaya 27:6

Ma nata masiku ale Jakobe a no mila mitwi, se Israyeli a na veka siluva e mila, kambe va na tata mafu ngu mihando.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Isaya 11:1

Nguko ku na mila dikhukhu ditshinani ka Jese, ni ka mitwi yakwe ku na mila didhavi di veleka mihando.

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Mitengo 17:10

Sekoko Mkoma a to khene ka Mosi: Tshumeta ndonga ya Aroni masoni ka txitumelelano, yi na xayiswa kona, ti to yi na maha txialakanyiso ka vanana va vo kaneta; kasi kufuvisa sisolo hagari kwawe ngu kuhetiseka ti to va siswi vefa.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Mitengo 17:6

Mosi koko a to xawutela ka vanana va ka Israyeli; se votshe vahombe vawe va to mninga ndonga, ni wihi wa hombe ndonga yimweyo, madingano ni tinyumba ta vatate vawe; ku to tshangana digumi da tindonga ni timbidi, ndonga ya Aroni yi di hagari ka tona.

Masalmo 105:26

Se Txizimu txi to ruma txithumi txa txona Mosi ka Aroni, awu txi nga msawula.

Mitengo 1:51

Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

2 Makronika 26:16

Mbimo yile Uziya a nga wona ti to wukoma wakwe wu tsani, mbilu yakwe yi to khata kutikulisa, e ndaka Mlayo wa Mkoma Txizimu txakwe, a to wulela Nyumbani ka Mkoma e hisa dibaselo ha txiluveloni ka dibaselo.

Ezra 2:62

Ku to lawa matina awe ka ale ma nga ti ti bhatwe ngu tihunzu, aniko kha ma maneka; se ngu hanyelo yawe ya walo, kha va amukelwa ka wuphaxeli.