Mitengo 17:3 - Bhiblia Yo Sawuleka

³ Kambe u na bhala ditina da Aroni ka ndonga ya ka Levhi, nguko mthangeli wa nyumba ni nyumba ya vatate a na va ni ndonga yimweyo.

Mitengo 17:3 Referans Kwoze

Mitengo 18:7

Awe ni vanana vako, mi na teka mthumo wa wuphaxeli ka totshe ti ti lumbako mthumo wa stxiluvelo, ni sotshe si si ku ngu msana ka m'jiyo; se anu mi na teka mthumo wa mphaxeli, se mluveli ngako a txi tshuketa hafuni a na fa.

Mitengo 18:1

Sekoko Mkoma a to khene ka Aroni: Awe, ni vanana vako, ni nyumba ya tate wako, mi na amukela kunemela ka nyumba yo sawuleka, ni ti to awe ni vanana vako, mi na rwala mnandu wa wuphaxeli wanu.

Eksodha 6:20

Amiramu a to tekana ni Jokabhedhi, hahani wawe, awu a nga veleka nayo Aroni ni Mosi. Amiramu a hanyile 137 wa malembe.

Eksodha 6:16

Aawa matina a vanana va ka Levhi madingano ni tiveleko takwe: Gerisoni, Kohate ni Merari. Levhi a hanyile 137 wa malembe.

Mitengo 17:2

Gela vanana va ka Israyeli va txi ku nehela tindonga, ngu nyumba yimwani ni yimwani, tiza ti tshangana digumi da tindonga ni timbidi, a ti ti no huma ngu ka votshe vathangeli, madingano ni tinyumba ta vatate vawe; u na bhala ditina da m'thu ni m'thu ka ndonga yakwe.

Mitengo 17:4

U na ti veka amu ditendani ka msengeletano masoni ka txitumelelano, aha ni tshanganako kona ni nanu.

Ezekhiyele 37:16

Awe koko mwanana wa m'thu, teka txipulangwana, u bhala ka txona, u txi khawe: Ngu Judha ni vanana va ka Israyeli, ni vangana vakwe. Se teka tximwani txipulangwana u bhala ka txona, u txi khawe: Ngu Josefa ndonga ya Efrayime, ni yotshe nyumba ya ka Israyeli, ni vangana vakwe.

Mitengo 26:10

Se mafu ma to asama txisofu meva mita, kumweko ni Kora, mbimo yile wu nga fa msengeletano konaho ku nga fa mtxawa wa hombe; ni mbimosi mndilo wu nga txi hisa 250 wa vavamna, ve maha txikombiso.

Jeremiya 42:20

Nguko anu mipune mi ti kanganyisile, mbimo yile mi nga ni ruma ka Mkoma, Txizimu txanu, mi txi: Hi kombelele ka Mkoma, Txizimu txathu, u nata hi gelisa toneto, hi na maha;