Mitengo 17:10 - Bhiblia Yo Sawuleka

¹⁰ Sekoko Mkoma a to khene ka Mosi: Tshumeta ndonga ya Aroni masoni ka txitumelelano, yi na xayiswa kona, ti to yi na maha txialakanyiso ka vanana va vo kaneta; kasi kufuvisa sisolo hagari kwawe ngu kuhetiseka ti to va siswi vefa.

Mitengo 17:10 Referans Kwoze

Vahebheru 9:4

Amuwa ku nga ti ni digandelo do mahwa ngu nzalama, do hisela kona dibaselo, ni dibhokiso da txitumelelano, wa kukopolwa wotshe ngu nzalama, mtundu wu wu ti ni txikadyana txa nzalama, txi nga ti ni manna, ni ndonga ya Aroni, yi yi nga ti mite mazokoro, ni sileti sa simbidi sa txitumelelano.

Vaefesu 5:6

M'thu a nga thuke e mi kanganyisa ngu mapswi o mbi vhuna txilo, nguko simaha siya si dhana kuhenya ka Txizimu.

Isaya 1:2

Engisani anu tinzuma, riya tinzeve awe mafu, nguko Mkoma wa womba-womba: Ni wunjile vanana ni va kulisa, aniko vona va ni tshuralete.

Masalmo 57:4

Moya wangu wu randetwe ngu tingonyamo, ti ti dyako vathu; makwasa a tona ma fana ni siholoma ni miseve se lidimi la tona li fana ni matxhari o lotwa.

1 Samuwele 30:22

Sekoko votshe vabihi ni vanana va Bheliyali, i ku vamwevo ka vavamna vale va nga ti tsute ni Dhavhidha, va to xamula va txi kha vona: Evo va nga mbi tsula ni nathu, kha hi na mbi va ninga sile hi nga handa; kambe mmweyo ni mmweyo a na teke msikati wakwe ni vanana vakwe e tsula.

1 Samuwele 2:12

Aniko vanana va Eli i ti ti vanana va wubihi, kambe va ti si zivi Mkoma;

Dhewuteronome 9:24

Anu mi vaeyisi ka Mkoma, kukhukhela ka ditshiku di ni nga khata ku mi ziva.

Mitengo 16:40

Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mitengo 16:38

Aniko siya so hisa ka sona dibaselo sa vale va nga onhela mihefemulo yawe. Si na simelwa aha ka timbanya si maha siphambati, so lema ngu sona ha magandeloni, kasi si txi ningelwa masoni ka Mkoma; nguko sona si sawulekile; si na maha txialakanyiso ka vanana va ka Israyeli.

Eksodha 16:32

Se Mosi a ti khene: “Mkoma a leletete ti to mi na tata homeri yimweyo ngu manna, mi txi yi veketa, kasiku tiveleko tanu, ti ta wona sakudya si ni nga mi wunja ngu sona txiwulani, msana ka ku ni nga mi humisa ditikoni ka Egipta.”

Hoseya 10:9

Kukhukhela ka masiku a Gibheya, u onhile awe Israyeli; mi zumbile kona haleya; kulwa kona Gibheya ni vanana va wubihi kha ku na mbi mi juma.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Eksodha 16:34

Nga ti Mkoma a nga leletisa tona ka Mosi, Aroni a to veka txikadyana masoni ka dibhokiso da txixambanyo, ti to txi txi veketwa.

Mitengo 17:4

U na ti veka amu ditendani ka msengeletano masoni ka txitumelelano, aha ni tshanganako kona ni nanu.

Mitengo 17:9

Ngu msana keto, Mosi a to teka totshe tindonga masoni ka Mkoma, e ti neha ka vanana va ka Israyeli; ngako va di ti woni votshe, mmwani ni mmwani a to teka ndonga yakwe.

Mitengo 17:11

Se Mosi a to maha madingano ni kuleleta ka Mkoma.

Mitengo 20:9

Sekoko Mosi a to teka ndonga masoni ka Mkoma, madingano ni ti a nga mleletisa tona.

Dhewuteronome 9:7

Alakanya, u nga divale ti to u henyisile Mkoma, Txizimu txako, kona txiwulani. Kukhukhela ka ditshiku di u nga huma ditikoni ka Egipta, kala u hoka ka wuwa wukhalo, mi vathu va kanu masoni ka Mkoma;

Mitengo 4:18

“Wonani tito, ka nyumba ya lihunzu la ka Kohate, mi nga dhuke mi yi humisa amu ka lihunzu la ka Levhi.

Mitengo 14:5

Sekoko masoni ka wotshe msengeletano wa vanana va ka Israyeli, Mosi ni Aroni va to khizama, va txi wa hahatshi ngu tikhohe tawe.

Mitengo 16:21

Tshuketani kule ka msengeletano wuwa, ni na va lovisa ngu mbimwanyana.