Mitengo 16:9 - Bhiblia Yo Sawuleka

⁹ Ina Txizimu txa ka Israyeli, txi nga va txi di mi sawute ka msengeletano, txi mi tshuketisa hafuhi ka txona, kasi ku ta maha mthumo wa Nyumbani ka Mkoma, ni kuema masoni ka msengeletano, mi thumela vathu kani?

Mitengo 16:9 Referans Kwoze

Isaya 7:13

Sekoko Isaya a to khene: Engisani konkuwa, anu va nyumba ya ka Dhavhidha! I mhaka yayidotho yo xanisa vathu, koza mi lava ni kuxanisa Txizimu txangu kani?

Dhewuteronome 10:8

Ngu ka yona mbimoyo ya yimweyo, Mkoma a to sawula nyumba ya ka Levhi, kasi kuva txi rwala dibhokiso da txitumelelano txa Mkoma, ni kumaneka masoni kwakwe va txi khozela Mkoma, va txi mthumela ni kukatekisa vathu ngu ditina dakwe, kala nyamsi.

Nehemiya 12:44

Ka ditshiku donedo ku to sawulwa va xayisi va sibhiya sa tithomba, miningelo yo ndiwitelwa, ni mihando yo khata, sa wugumi, ve sengeleta ka sona, madingano ni tithembwe ta madhoropa, ni makhalo a ma nga vekwa ngu Mlayo wa vaphaxeli ni Valevhi; nguko Judha a ti ti tsaka ngu mhaka ya mthumo wa vaphaxeli ni wa Valevhi.

1 Samuwele 18:23

Se sithumi sa Sawule si to gela Dhavhidha otshe mapswi awa. Sekoko Dhavhidha a to khene: Ina yi maneka i di mhaka ya yidhoto kwanu kuva mwane wa mfumeli, aku ani ni ku txisiwana txo eyiseka, kani?

Mitengo 16:13

Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?

Mitengo 3:6

“Tshuketisa lihunzu la ka Levhi, u li veka hawa ko vhunetela Aroni, mphaxeli: Vona va na thuma nayo;

Mitengo 1:53

Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.

Ezekhiyele 34:18

Ina kha ti mi eneleli kudyisa ka wudyiselo wa wunene, mi si kandeteli wudyiselo ngu mikondo yanu kani? Ni ti taku mi heta otshe mati, mi gwita mi va nga mdhaka ngu mikondo yanu kani?

2 Makronika 35:3

A to gela Valevhi vava ti ningetako ka Mkoma avale va nga basiswa, va nga ti ni mthumo wo gondisa votshe va ka Israyeli, a txi khene: Wuletisani dibhokiso do sawuleka ka nyumba yi yi nga akwa ngu Solomoni, mwana Dhavhidha, mfumeli wa Israyeli; kha mi na mbi va ni mrwalo wuwa makatani kwanu. Konkuwa thumelani Mkoma, Txizimu txanu, ni vathu va txona va ka Israyeli.

2 Samuwele 7:19

Eto ti vi tidotho masoni kwako, Mkoma Txizimu, aniko awe u wombawombile ngu nyumba ya txithumi txako ka timbimo ti titako; Ina ngu txona etxo txihena txa vathu, awe Mkoma Txizimu kani?

Genesisi 30:15

Aniko Leya a mxamute a txi khene: “Ina u alakanya taku ndidotho aku u nga ni tekela mwamna kani? Sekoko u lava ku ni tekela kambe maranga a lirando a mwanana wangu kani?” Sekoko Rakeli a to khene: “Jakobe a na va ni nawe wusiku wuwa, kasi kudihela maranga a lirando a mwanako.”

1 Vakorinto 4:3

Ani ngu txangu, kha ni khatali ngu kulamulwa ngu nganu, mwendo kulamulwa ngu vathu, hambi ani ngu wutumbu wangu kha ni ti lamuli nipune.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Mitengo 3:9

Ti di ngeto, u nga ningela Valevhi ka Aroni ni ka vanana vakwe, ti to veva txiningo txawe; mthumo wa kona wu na thumela vanana va ka Israyeli.

Mitengo 16:8

Mosi a to engeta a txi khene ka Kora: Konakuwa, engisani anu vanana va ka Levhi:

Ezekhiyele 44:16

Va na wulela nyumbani kwangu ko sawuleka, kambe va na tshuketa mezani kwangu, ku ta ni thumela, ni kuvekisa txileleto txangu.