Mitengo 16:5 - Bhiblia Yo Sawuleka

⁵ a txi khene ka Kora ni vangana vakwe: Mangwana ni mixo, Mkoma a na mi komba va i ku vathu vakwe, ni va vo sawuleka, ti to ve tshuketa hafuhi kwawe.

Mitengo 16:5 Referans Kwoze

Masalmo 65:4

A katekile wule awe u msawulako u txi m'dhana kasiku e hanyela Dithepeleni kwako, hafuhi ni nawe. Hi na khura ngu silo sa nyumbani kwako, amu Dithepeleni kwako ko sawuleka!

Mitengo 17:5

Se ku na maheka taku, ndonga ya wamwamna wule ni no va ni di yi sawute, yi na thunga; ngu toneto, ni na heta kungungurukela ka vanana va ka Israyeli kwangu, a kule va nga mi ngungurukelela ngu kona.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

2 Timoti 2:19

Hambi keto, makhato o tsana ma nga vekwa ngu Txizimu ma ngadi zumbisekile, ma nyathetwe txitambu txa dipswi diya di ku: “Mkoma wa va ziva ava va mlumbako.” Ni tiya kambe taku: “Wuhi ni wuhi a fakazako ngu ditina da Mkoma a na hambane ni wubihi.”

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Mithumo 22:14

Se ene a to ni gela ku khene: ‘Txizimu txa vatate vathu txi ku sikete kasiku u txi ziva kuranda ka txona, kuwona Mlulami ni kuengisa dipswi da kuhuma ngu txisofuni kwakwe.

Mithumo 13:2

Ka ditshiku dokari, ngako va txi khozela ka Mkoma, na va txi ti tona sakudya, Moya wo Sawuleka wu to womba wu txi kha wona: “Ni sawuleleni Bharnabhasi ni Sawule, kasiku ni va ninga mthumo wu ni nga va dhanela wona.”

Mithumo 1:24

Se ve khongela, va txi kha vona: “Mkoma, awe u zivako timbilu ta votshe, kombisa awu u nga mu sawula ka va va vambidi,

Mithumo 1:2

kala ka ditshiku di a nga kweliswa ngu dona nzumani, msana ka kuva a di leletile, ngu Moya wo Sawuleka, vapostoli va a nga va sawula.

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Ezekhiyele 40:46

Aniko nyumba yile yo rendekela ka nzila ya wulambwe, nja vaphaxeli vale vo xayisa txiluvelo; avava mbanana va Zadhoki, va tshuketako ka Mkoma, i ku vamwevo va vanana va ka Levhi, kasi ku mthumela.

Masalmo 105:26

Se Txizimu txi to ruma txithumi txa txona Mosi ka Aroni, awu txi nga msawula.

1 Samuwele 2:28

Se ani ni msawute hagari ka totshe tihunzu ta va ka Israyeli kuva mphaxeli, kasiku e ningela txitimwi ka txiluvelo txangu, ni kuhisa dibaselo, e tisa efodhe masoni kwangu; kambe ni ningete nyumbani ka tate wako, yotshe miningelo ya kuhiswa ya vanana va ka Israyeli.

Eksodha 28:1

U na dhana mwananu Aroni ni vanana vakwe, va ku hagari ka vanana va ka Israyeli, va txi ta hafuhi kwako, ve ta ni thumela amu ka wuphaxeli, i ku vava: Aroni ni vanana vakwe, Nadhabhi, Abhiyu, Eleyazari, ni Itamari.

Vahebheru 12:14

Zumbani ngu kudikha ni votshe, mi lava wusawuleki; nguko, hahanze ka wona, awalo wu a sikotako kuwona Mkoma.

Vaefesu 2:13

Aniko anu kale mi nga ti kule ni Kristu Jesu, se konkuwa mi hafuhi ngu mnoha wa Kristu.

Mithumo 15:7

Msana ko wombawombisana ngutu, Pedro a to khukha a txi ema, a txi khene kwawe: “Vanathu, ma tiziva ti to Txizimu txi ni sawute hagari kwanu kukhukhela makhatoni kasiku vamatiko ve engisa dipswi da Evhangeli di txi txhumayelwa ngu txisofu txangu, tito, ve kholwa.

Levhi 8:2

Teka Aroni ni vanana vakwe va txi ya ditendani ka msengeletano, u teka syambalo sa wuphaxeli ni mtona wo tota, ni dirole da mhamba ya kudivalela txionho, tihamba timbidi, ni txirundu txa mapawu o mbi tshumbelwa.

Eksodha 28:43

Aroni ni vanana vakwe, va na si ambala mbimo yi va wulelako amu ka ditenda da msengeletano, mwendo mbimo yile va tshuketako ha txiluveloni, kuya maha mthumo ka wukhalo wo sawuleka, kasi ku va si mani txionho, va txi fa; atxiya i nava txileleto txa kala kupinduka, ka Aroni, ni ka liveleko lakwe, msana kwakwe.

Mitengo 16:6

Awe Kora ni vathu vako votshe, mahani tiya, tekani nanu siya sa dibaselo;

Mitengo 17:8

Mosi a to wulela ditendani ka txitumelelano, ngu ditshiku do gameta, a to ya wona ndonga ya Aroni yi di thungile yi tshumela yi humisa ni siluva, i ku nyumba ya ka Levhi, yi di velekile ni mihando yo vitwa.

Jeremiya 30:21

Mthangeli wawe a na huma ngu ka vona vanyamne, ni mfumeli wawe, a na huma hagari kwawe vapune. Ni na mtshuketisa, a nata kwangu; nguko i mani a khalako kutshuketa kwangu kani? Kuwomba Mkoma.

Jeremiya 49:19

A na woneka sixaxani Jordhani nga ngonyamo, a txi lwisa wukhalo wa mtamo; nguko, ngu mbimwanyana, ni na mtutumisa hale; niku i mani ni no msawula ni txi m'veka txitimwi kwakwe kani? Nguko i mani a fananako ni nani! I mani a no ni vekela mbimo kani? I mani m'dyisi wu a no ni tsiveta kani?

Jeremiya 50:44

Wonani ti taku mmweyo wa ku nga ngonyamo a na humelela likasani ka Jordhani, e wukela dizumbo da mtamo, aniko ngu mbimo yokari ni na mtutumisa hale; se awule ni nga msawula a na mwukela: Nguko i mani wo fana ni nani kani? Se i mani wo a nga ni randela kani? I mani m'dyisi wo a nga tsana masoni kwangu kani?

Ezekhiyele 43:19

Se vaphaxeli va ka Levhi, i ku va liveleko la ka Zadhoki, va tshuketelako kwangu (kuwomba Mkoma Txizimu) ku ta ni thumela, u na va ninga dirole, kasi kukuwula sionho.

Ezekhiyele 45:4

Awuwa wu na va wukhalo wo sawuleka ha mafuni; wu na va wukhalo wa vaphaxeli, i ku vathumi va wukhalo wo sawuleka, va tshuketako kuya thumela Mkoma; ku nava wukhalo wa nyumba yawe, ni wukhalo wo sawuleka wa nyumba yo sawuleka.

Eksodha 28:41

Ngu mhaka yeto u na ambalisa Aroni, mwananu, kumweko ni vanana vakwe. Ngu msana u na va tota ngu mafura, kambe u na va ninga fanelo ni ku va sawulekisa, kasiku ve thuma mthumo wangu wa wusawuleki.

Masalmo 115:10

Nyumba ya Aroni, themba Mkoma! Nguko ene ngene Mvhuni ni Muvhikeli wako.