Mitengo 16:47 - Bhiblia Yo Sawuleka

⁴⁷ Se Aroni, a to teka txiya txo hisela ka txona dibaselo, nga ti a nga leletisa tona Mosi, e tutuma eya hagari ka msengeletano; se mtungu wu ti khatile hagari ka vathu; a to thela dibaselo ha mndiloni, e maha mphaxo wo tekisa vathu.

Mitengo 16:47 Referans Kwoze

Varoma 12:21

U nga xulwe ngu kubiha, kambe xula kubiha ngu wunene.

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Masalmo 106:29

Ngu simaho sawe so biha va wusile kuhenya ka Txizimu, se ngu mhaka yeto mtungu wu hangalakile hagari kwawe.

Mitengo 16:46

Se Mosi a to khene ka Aroni: Thavisa txiya txo hisela ka txona dibaselo, u hala mndilo wa ha ka txiluvelo, u txiya thela konemo dibaselo; u kuluveta u txiya ka msengeletano u ya maha mphaxo wo thavisa txionho, nguko Mkoma wata ni mtungu, a henyile ngutu, se wu khatile.

Mitengo 16:48

Se Aroni a to ema hagari ka va vo hanya ni va vofa; mtungu wu to ema kudayela vathu.

Mitengo 25:13

Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.