Mitengo 16:41 - Bhiblia Yo Sawuleka

⁴¹ Aniko mangwanani ka kona, wotshe msengeletano wa vanana va ka Israyeli, wu to ngungurukela wu wukela Mosi ni Aroni, wu txi kha wona: “Anu mi date vathu va Mkoma.”

Mitengo 16:41 Referans Kwoze

Masalmo 106:23

Txizimu txi pimisile ku va lovisa. Aniko, Mosi, msawuleki wa Txizimu, a va kombelete, kasiku Txizimu txi kuthutha, txi si va lovisi.

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Mithumo 21:28

va txi viketa, va txi kha vona: “Vavamna va ka Israyeli, hi vhuneni! Ndiyo m'thu wuwa a lwako ni va ka kwathu, ni Mlayo ni wukhalo wuwa, ngu ti a gondisako ka otshe makhalo ni ka votshe vathu. Se kupinda tiya, a wuletile Vagriki Dithepeleni muwa, e nyeta wukhalo wuwa wo Sawuleka.”

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Matewu 5:11

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu.

Amosi 7:10

Sekoko Amaziya, mphaxeli wa Bheteli, a rumisa kugela Jerobhowamu, mfumeli wa ka Israyeli: Amosi a womba-womba kubiha ngu ngawe hagari ka vathu va ka Israyeli; mafu ma na mbi xaniswa ngu mapswi otshe ya a ma wombako.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Masalmo 106:13

Aniko va kuluvetile ve divala mithumo ya Txizimu se kha va rinzela kuwona makungo a txona.

1 Vafumeli 18:17

Se ku to maheka ti to mbimo yile Akabe a nga wona Elija, a to khene kha Akabe: Ngawe mkhulumeteli wa Israyeli kani?

2 Vakorinto 6:8

amu kudhundwani ni mu kunyenywani, ka nduma ya yinene ni ka nduma yo biha, hi wonwa hi di vakanganyisi, kasi hi va ditshuri.

Jeremiya 43:3

Bharuke, mwana Neriya, ngene a ku kujetelako ku hi wukela, ni ku hi ningela manzani ka Vakaldheya, kasi va txi hi daya, mwendo ku hi yisa Bhabhilona.”

Jeremiya 38:4

Sekoko vathangeli va to gela mfumeli va txi kha vona: Awuwa m'thu a na dawe, nguko wa rera mawoko a tindena ti ti nga sala ka diya didhoropa, ni mawoko a votshe vathu ngu ku va gela timhaka to nga tiya; m'thu wuwa kha xuveli wunene amu ka ditiko diya, aniko a di xuvela makhombo.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.