Mitengo 16:40 - Bhiblia Yo Sawuleka

⁴⁰ Si nava txialakanyiso ka vanana va ka Israyeli; kasi ti to ku si thuki ku txi va ni m'thu mmwani awu i singako wa lihunzu la ka Aroni, a no tshuketa e ningela dibaselo masoni ka Mkoma, a nga dhuka e fana ni Kora ni mtxawa wakwe, nga ti Mkoma a nga womba ngu txisofu txa Mosi.

Mitengo 16:40 Referans Kwoze

Mitengo 3:10

Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Mitengo 3:38

Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.

Mitengo 1:51

Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa.

Levhi 22:10

Awule i singako wa m'tini ka mphaxeli, a nga thuke a txidya so katekiswa; mwendo mpfhumba wakwe, hambi txithumi txakwe txi a txi holelako, va nga silo so katekiswa.

Vahebheru 5:4

M'thu a nga thuke a txi ti tekela apune txikhunja txiya; hahanze ka wule a nga dhanwa ngu Txizimu kufana ni Aroni.

Mitengo 16:39

Se mphaxeli Eleyazari, a to teka siya sile sa txikete, so hisa ka sona dibaselo, si nga ningelwa ngu vathu vale va nga hiswa, si maha so nameketelwa aha ka txiluvelo.

Joxuwa 4:7

Sekoko mi na va gela ku khanu: “Mati a mnambo wa Jordhani ma to abaneka masoni ka dibhokiso da txitumelelano txa Mkoma, mbimo yi dibhokiso wu nga txi tshawunyeta Jordhani, ngu kumaha keto, marigwi awa, ma na maha txialakanyiso ka vanana va ka Israyeli, ngu ha ku si gwitiko!”

Ezra 2:62

Ku to lawa matina awe ka ale ma nga ti ti bhatwe ngu tihunzu, aniko kha ma maneka; se ngu hanyelo yawe ya walo, kha va amukelwa ka wuphaxeli.

Ezekhiyele 40:46

Aniko nyumba yile yo rendekela ka nzila ya wulambwe, nja vaphaxeli vale vo xayisa txiluvelo; avava mbanana va Zadhoki, va tshuketako ka Mkoma, i ku vamwevo va vanana va ka Levhi, kasi ku mthumela.

Ezekhiyele 43:19

Se vaphaxeli va ka Levhi, i ku va liveleko la ka Zadhoki, va tshuketelako kwangu (kuwomba Mkoma Txizimu) ku ta ni thumela, u na va ninga dirole, kasi kukuwula sionho.

Masalmo 115:10

Nyumba ya Aroni, themba Mkoma! Nguko ene ngene Mvhuni ni Muvhikeli wako.