Mitengo 16:30 - Bhiblia Yo Sawuleka

³⁰ Aniko ngako Mkoma a txi rumela txilo txatxiphya, ni kungako mafu ma txi asama txisofu txa ona meva mita ni sotshe siya sawe, ve relela diyivani va txi hanya, mi na tiziva to ava vathu va henyisile Mkoma.

Mitengo 16:30 Referans Kwoze

Masalmo 55:15

Lifo li na kanganyise valala vangu! Va na relele va txi hanya ditikoni ka vafi, nguko wubihi wu akile timbiluni kwawe.

Mitengo 16:33

Vona ni sotshe si va nga ti naso, va to relela diyivani va txi hanya, mafu ma to va fenengeta, ve lova hagari ka msengeletano.

Jobe 31:3

Ina hi nga kutimela ka m'bihi, ni phango ka vale va mahako to biha kani?

Jeremiya 31:22

U na peperukela kala yihi mbimo mwananawe, wo bharuka kani? Nguko Mkoma a vangile tximaha txa txiphya ha mafuni: Wamsikati a na vhikela wamwamna.

Isaya 45:12

Ani ni vangile mafu, kambe ni vangile m'thu ka ona; ani ni m'vangile, manza angu ma nawulutile tinzuma, se ni otshe mabutho a kona ni ma ningile mlayo wangu.

Isaya 45:7

Ani na maha kuwonekela ni va nga txidema; ani na vanga kudikha, ni va nga dikhombo; ani Mkoma, na maha totshe tiya.

Isaya 43:19

Wonani taku ni na maha mhaka ya yiphya, se konkuwa ti huma hakubasani; ina kha mi na mbi tiziva kani? Wonani taku ni na dola nzila txiwulani, ni minambo ligwangwani.

Isaya 28:21

Nguko Mkoma a na khukha kufana ni mmangoni ka Perazimi, kambe a na henya, nga tile a nga maha mkovani ka Gibheyoni, kasi kumaha mthumo wakwe, mthumo wakwe wo mbi toloveleka, ni kumaha mthumo, mthumo wakwe wo xamalisa.

Mitengo 16:31

Ku to maheka taku, mbimo yi Mosi a nga gwita kuwombawomba mahungu awa, mafu ale va nga ti emile ka ona, ma to tuleka.

Jobe 31:2

Nguko txi ndi nava txihi txyavelo txa kuta ngu ka Txizimu txitimwi, mwendo thomba ya wule wa Mtamo-wotshe, yitako ngu txitimwi kani?

Masalmo 124:3

vona nga va di hi mitile hi di ngadi hi txi hanya, ngu mhaka ya txiviti txi va nga ti natxo ngu ngathu;

Ezekhiyele 31:14

kasi ku yotshe mindonga ya hafuhi ni mati, yi si ti guleti ngu mhaka ya txiemo, hambi kuhumisa tshoka hagari ka madhavi o txhuma, ni ale ma selako mati, ma si ti thembiseli mapune, ngu mhaka ya kulapha ka ona; nguko otshe ma dingana kufa, kala hahatshi ngutu ka mafu, hagari ka vanana va vathu, ni vale va relelako diphalani.