Mitengo 16:28 - Bhiblia Yo Sawuleka

²⁸ Sekoko Mosi a to khene: Konkuwa, mi na tiziva ti to Mkoma ngene a nga ni ruma kumaha totshe tiya, kambe totshe tiya kha ti humi ngu mbiluni kwangu.

Mitengo 16:28 Referans Kwoze

Johani 6:38

Nguko ni txhikile ngu nzumani, i si nga ngu ku tela ku ta maha kuranda kwangu, aniko ngu ku tela ku ta maha kuranda ka wu a nga ni ruma.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Johani 5:36

Kambe ani nina ni wufakazi wa hombe ngutu kupinda wa Johani: I mithumo yi Tate a nga ni ninga kasiku ni yi maha. Mithumo yi ni yi mahako, ngu yona yi ni mahelako wufakazi wa ti to ni rumilwe ngu Tate.

Ezekhiyele 13:17

Se awe mwanana wa m'thu, rendekelisa khohe yako ka vanana vamahorana va vathu vako, va profetako to lavwa ngu timbilu tawe, profeta u va wukela,

Jeremiya 23:16

Mkoma wa Mabutho a Tiyimbi a khene: Mi nga engiseleni timhaka ta vaprofeti vava va profetako kwanu, nguko va mi kanganyisa; va txhumayela siwoniso sa timbilu tawe vapune, na si si humi ngu ka txisofu txa Mkoma.

Johani 14:11

“Kholwani ti to ani ni ka Tata, ni Tate a kwangu. Ngako mi si kholwi ka dipswi dangu, kholwani ngu mhaka ya yona mithumo.”

Johani 11:42

Ani na tiziva ti to yotshe mbimo wa ni engisa, aniko ni wombile tiya, ngu mhaka ya dibutho di di nga tshangana hawa, kasiku ve kholwa ti to ngawe u nga ni ruma.”

Johani 5:30

“Ani ngu kwangu kha ni sikoti kumaha txilo, ani ni lamula madingano ni ti ni ti engisako; se kulamula kwangu ku lulamile, nguko kha ni lavi kumaha kuranda kwangu, aniko ni lava kumaha kuranda ka wu a nga ni ruma.”

Zakariya 4:9

Manza a Zorobhabheli ma khatile nyumba yiya, kambe manza akwe ma na yi heta, kuva mi txi na tiziva taku, Mkoma wa Mabutho a Tiyimbi, a ni rumile kwanu.

Zakariya 2:9

Nguko wonani taku, ni na guleta dianza dangu txitimwi kwawe, se vona va nata maha sikarawa, sa va va nga va thumela. Ngu kumaha keto, mi na tiziva tito, Mkoma wa Mabutho a Tiyimbi a ni rumile.

1 Vafumeli 18:36

Ku to maheka koko a ti to ku txi ningelwa mningelo wa sakudya, mprofeti Elija a to tshuketa, a txi ta khene: Mkoma, Tixizimu txa Abrahama, txa Isaake ni Israyeli, ti kombekisi nyamsi ti to awe u Txizimu amuwa Israyeli, ni ti taku ani ni txithumi txako, niku ni mahile totshe ti u nga leleta ngu dipswi dako.

Dhewuteronome 18:22

Ngako mprofeti a txi womba-womba ngu ditina da Mkoma, aniko mhakeyo yi si maheki mwendo yi si humeleli, tikomba ti to mhakeyo kha ya wombwa ngu Mkoma; mprofeti eneyo a wombawombile ngu kutiguleta, u nga mthave.

Eksodha 7:9

“Nga ti Faro a txi khene: Mahani sidiwukiso ngu didhawa danu; konako u na gela Aroni u txi khawe: Teka ndonga yako u txi rinza hahatshi masoni ka Faro; yona yi na hinduka yi txi maha mnyoka.”

Mitengo 24:13

Hambi i diku Bhalake o ni ninga nyumba yakwe yi di tate ngu silivhela ni nzalama, kha ni na kuhambunyeta Mlayo wa Mkoma, ni ti mahela mbiluni kwangu ta tinene mwendo to biha; ati Mkoma a no ni gela, ngu tona eto ni no womba tona.

Eksodha 4:12

Ngu toneto, tsula, konkuwa, ani ni na va ni nawe txisofuni kwako, kambe ni na kukomba ati u no bwabwata.”

Eksodha 4:15

Awe u na womba-womba nayo, u txi m'vekela txisofuni kwakwe mapswi awa. Ani ni na va txisofuni kwako ni txisofuni kwakwe, ni txi mi kombisa ati mi fanelako ku ti maha.