Mitengo 16:19 - Bhiblia Yo Sawuleka

¹⁹ Se Kora a to tshanganisa msengeletano wa vathu vakwe votshe, ha txikeni ka ditenda da msengeletano, konaho kuphatima ka Mkoma ku to woneka masoni ka wotshe msengeletano.

Mitengo 16:19 Referans Kwoze

Mitengo 16:42

Se mbimo yi vathu va nga tshangana ve wukela Mosi ni Aroni, va to tutumela kuya ditendani ka msengeletano, konaho ku to woneka direfu di txi va fenengeta, ni wudhundo wa Mkoma wu to woneka.

Mitengo 14:10

Sekoko wotshe msengeletano wu txi lava ku va balisela ngu marigwi; konaho, ku to humelela kuphatima ka Mkoma, ku txi ta fenengeta ditenda da msengeletano, masoni ka votshe vanana va ka Israyeli.

Levhi 9:23

Sekoko Mosi, a to wulela ditendani ka msengeletano kumweko ni Aroni, mbimo yi va nga huma, va to katekisa vathu. Se Mkoma a to kombisa mtamo wakwe wo xamalisa ka vathu votshe.

Eksodha 16:7

Mangwana ni mixo mi na wona wudhumo wa Mkoma, nguko ene a engisile ku m'ngungurukela kwanu. Nguko athu hi vamani aha koza mi txi hi ngungurukela kani?

Mitengo 20:6

Sekoko Mosi ni Aroni va to khukha ka msengeletano ve tsula txihunjani, ha ditimbani ka ditenda da msengeletano, va txi yawa hahatshi ngu tikhohe tawe. Se kuphatima ka Mkoma ku to woneka kwawe.

Mitengo 12:5

Sekoko Mkoma a to txhika ngu ka phande ya direfu, a txi ta ema ha txikeni ka ditenda; msana keto, a to dhana Aroni ni Miriyamu, se va to huma ngu wumbidi wawe.

Levhi 9:6

Se Mosi a to khene: Ni na mi txhamusela mithetho yi Mkoma a nga ni ninga. Ngako mi txi yi vekisa, mi na sikota kuwona mtamo wakwe wo sawuleka.

Eksodha 16:10

Mbimo yi Aroni a nga ti womba-womba ka msengeletano wotshe wa vanana va ka Israyeli, va to tshembereka va txi wona didhawa da txiwulani, aha ku nga humelela mu direfuni wudhumo wa Mkoma.

Mitengo 16:18

Va to thela mndilo amu ka siya sawe, ve sanzeka dibaselo ka sona; se ve ema ha txikeni ka ditenda da msengeletano, kumweko ni Mosi ni Aroni.

Mitengo 16:20

Se Mkoma a to womba ka Mosi, a txi khene:

Mitengo 20:2

Se ka wukhalowo ku si nga ni mati o vathu ve sela. Ngu konaho, va to tshangana vathu ve sola Mosi ni Aroni, ni ku va bhongela.