Mitengo 16:14 - Bhiblia Yo Sawuleka

¹⁴ Txa wumbidi awe khwanzi na nga hi hokisa ka ditikodo do khulunga masi ni wulombe; kambe khwa hi ninga tithembwe ni mauvha, kuva si maha thomba yathu. Se awe u lava kudobola maso a vathu vava kani? Athu kha hi na mbi ta.

Mitengo 16:14 Referans Kwoze

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

1 Samuwele 11:2

Aniko Nahasi Muamoni a to va gela tiya: Ni na maha txitumelelano ni nanu, ka zumbelo yiya: Ngako mi txi mmweyo ni mmweyo kwanu e xokola diso da txinene, ngu kumaha keto ni veka etxo txiruko txitimwi ka votshe va ka Israyeli.

Valamuli 16:21

Sekoko Vafilista va to mñola, va txi mxokolela maso, ve tsula nayo Gaza, se va to msunga ngu titxhini timbidi ta msuku, ni kuthuma ngu txigayo mkorani.

Mitengo 20:5

Se njani mi nga hi humisa Egipta mi hi tisa ka ditiko da txisapa nga tiya, adi di si miliko timbewu, kha di na mikuwu mwendo mivhinya, ni miromani, hambi ni mati o sela kani?

Eksodha 23:11

aniko ka dilembe da wutxhanu ni mambidi, u na leka mafu ma txi humulela u si dimi, ni silo sa kona u na si leka si txi va sa sisiwana sa vathu vako, se asi si salako si na dyiwa ngu sihari. U mahisa eto ngu thembwe ya mivhinya ni ya miolivha.

Eksodha 22:5

Ngako m'thu a txi ya dyisela txifuyo txakwe amu txitingani mwendo thembweni, a txi txi leka txi txi dya thembweni ka mmwani, a na diha sa txitinganimo, ni sa thembweni.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 23:10

“Amu ka mtxhanu wa malembe ni dimwendo, u na phaya thembwe yako u txi elula silo sa kona,

Mitengo 13:27

Va to ya xawutela tiya ka Mosi, va txi kha vona: “Hi wulete ka ditiko di mi nga hi ruma ka dona; kha ditshuri, di khulunga masi ni wulombe; mihando ya kona ngu yona yiya.

Mitengo 14:8

Ku ngako Mkoma a txi tsaka ngu ngathu, Ene a na hi maha hi wulela ka ditiko a nga hi ninga, i ku ditiko di khulungako masi ni wulombe.