Mitengo 16:13 - Bhiblia Yo Sawuleka

¹³ Nguko awe wo yi maha mhaka yayidotho, aku u nga hi humisa ka ditiko do khulunga masi ni wulombe, u hi daya mu txiwulani, u tshumela u ti kulisa txitimwi kwathu kani?

Mitengo 16:13 Referans Kwoze

Mithumo 7:35

“Mosi wuwa ngene wu va nga mkanyisa, va txi kha vona: ‘I mani wu a nga kumaha mfumeli ni mlamuli wathu kani?’ ” Ngene wu a nga rumwa ngu Txizimu kumaha mfumeli ni mtiruli wawe, ngu mtamo wa ngelozi yi yi nga mu humela txipoponi.

Mitengo 11:5

Athu hi alakanya sihaka si hi nga txi dya walo ngu kuranda kwathu kona Egipta, mapswani, magamba, nyala, ni txinyalana.

Eksodha 16:3

Vanana va ka Israyeli va va gete va txi kha vona: “I ti txhuko idiku Mkoma a ti hi date ngu dianza dakwe ditikoni ka Egipta, nguko hi ti khalahatshile hafuhi ka tikhadi ta nyama, mbimo yi hi nga ti ti dya sakudya hi khura! Aniko anu mi hi tisile txiwulani muwa, kasiku dibutho diya mi txi di daya ngu nzala.”

Eksodha 2:14

Ene a to xamula a txi khene: “I mani a nga kuveka kumaha wa hombe, ni mthethisi hagari kwathu kani? Se u lava ku ni daya nani, nga kule nyamnova u nga daya Muegipta kani?” Sekoko Mosi a to dhuka, a txi khene: “Mhaka yi zivilwe!”

Luka 19:14

Aniko vathu va ditiko dakwe va ti mu vengela, ve ruma mitumi msana kwakwe, kuya womba tito: ‘Kha hi ti lavi kufumwa ngu m'thu wuwa.’ ”

Mitengo 14:2

Votshe vanana va ka Israyeli va to ngungurukela ve wukela Mosi ni Aroni, va txi kha vona: “I ti txhuko kuva hi di fete ditikoni ka Egipta! Mwendo hi di fete txiwulani muwa!

Eksodha 17:3

Konaho vathu va manekile va txi pfa ditora, ve khata kungungurukela va txi wukela Mosi, va txi kha vona: “Ngu kutxani u nga hi humisa ditikoni ka Egipta kani? U mahile eto kasi ku ta hi daya ngu ditora athu ni vanana vathu, ni sifuyo sathu kani?”

Eksodha 2:23

Ku to maheka taku, msana ka masiku awa, a txifa mfumeli wa Egipta; vanana va ka Israyeli va to maneka va di kuxuphekani ka hombe, ngu mhaka ya wukhumbi wawe; va to dila, se huwa yawe yi to kwela yi txi hoka ka Txizimu.

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Mitengo 11:4

Ka wungi wa valuveli va nga ti zumbile navo, va to tala ngu kunavela kudya nyama; ni vona vanana va ka Israyeli, va to engeta ve dila ngu kulava nyama kudya. Va txi kha vona: “I mani a no hi ninga nyama hi txi dya kani?

Mitengo 14:3

Ni kambe ngu kutxani ene Mkoma a txi hi yisa ka ditikodo, hi na ya guma ngu kudawelwa ngu matxhari hi ya ningela vasikati vathu ni vanana vathu, ve mahwa tikhumbi kani? I si nga tshuko hi tshumela hi txi ya Egipta kani?”

Mitengo 16:12

Se Mosi a to rumela kuya dhana Dhatani ni Abhiramu, i ku vanana va Eliyabhe; vona va to ta angula va txi kha vona: Athu kha hi na mbi ta.

Ezekhiyele 34:18

Ina kha ti mi eneleli kudyisa ka wudyiselo wa wunene, mi si kandeteli wudyiselo ngu mikondo yanu kani? Ni ti taku mi heta otshe mati, mi gwita mi va nga mdhaka ngu mikondo yanu kani?

Mitengo 11:20

Se nga ha mi nga kanyisa Mkoma, mi na dya nyama mtxima wotshe, kala nyama yiza yi pfhuruka ngu tithonvuni kwanu, miza mi xamuka ngu yona. Ni kambe mi dite, mi txi khanu, ngu kutxani hi nga huma ditikoni ka Egipta kani?

Mitengo 13:27

Va to ya xawutela tiya ka Mosi, va txi kha vona: “Hi wulete ka ditiko di mi nga hi ruma ka dona; kha ditshuri, di khulunga masi ni wulombe; mihando ya kona ngu yona yiya.