Mitengo 16:11 - Bhiblia Yo Sawuleka

¹¹ Nguko awe ni wotshe msengeletano wako, mi tshanganile mi txi lwa ni Mkoma; se Aroni, i mani koza mi txi mngungurukela kani?

Mitengo 16:11 Referans Kwoze

Eksodha 17:2

Sekoko vathu va to phikizana ni Mosi, va txi kha vona: “Hi ninge mati o sela.” Mosi a va xamute a txi khene: “Ngu kutxani mi txi phikizana ni nani kani? Ngu kutxani mi txi duka Mkoma kani?”

1 Vakorinto 3:5

Hi ngani ni gela: I mani Apolosi kani? I mani Paulo kani? Vona nzithumi dwe, asi mi nga amukeliswa ngu sona likholo, na ti txi tsimbila ngu hawa mmwani ni mmwani a nga ningiswa tona ngu Mkoma.

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

Varoma 13:2

Ngu konaho, ava va engisako wukoma, va engisa mlayo wu wu nga vekwa ngu Txizimu. Se ava va eyisako va dhana kuabaniswa txitimwi kwawe.

Mithumo 5:4

Thembwe yi sinzi kuxaviswa ina i ti si nga yako kani? Mhaka yiya yi wulelisile kutxani mbiluni kwako kani? Khwa hembela vathu, aniko u hembete Txizimu.”

Johani 13:20

Ngu ditshuri, ngu ditshuri, na mi gela ku khani: Awule a amukelako wuhi ni wuhi ni no mruma, a amukela ani nipune; awule a ni amukelako, a amukela awu a nga ni ruma.”

Luka 10:16

Awu a mi engisako a engisa ani; awu a mi nyenyako, a nyenya ani; se awu a nyenyako ani, a nyenya wu a nga ni ruma.”

1 Samuwele 8:7

Se Mkoma a to khene ka Samuwele: Engisa mapswi a vathu ka toshe ti va no kugela, nguko kha va lambi awe; kambe ngani va ni lambako, kasiku ani ni si fumi txitimwi kwawe.

1 Vakorinto 10:10

Mi nga ngungurukeleni, nga ti vamwani kwawe va nga ngunguruka, se ve loviswa ngu mlovisi.

Judha 1:16

Avava i ku vathu vo ngungurukela, va kuzumba ngu kuvilela, va hanyako ngu kulondetela minavelo yawe yo biha; sisofu sawe si womba-womba mapswi o tikulisa, kambe i vathu va kuxengetela, ngako va txi lava kuwuyelwa.

Mitengo 11:1

Ku to maheka ti to vathu ve khata kungungurukela tinzeveni ka Mkoma; se a di ti engisile eto Mkoma, kuhenya kwakwe ku to hisa, mndilo wakwe wu to tura hagari kwawe, wu tshokomisa vale va nga ti ti magwito ka wugovelo.

Mitengo 16:12

Se Mosi a to rumela kuya dhana Dhatani ni Abhiramu, i ku vanana va Eliyabhe; vona va to ta angula va txi kha vona: Athu kha hi na mbi ta.

1 Makronika 26:19

Ayiya mitxawa ya vawoneleli va sike, va vanana va ka Kora ni vanana va ka Merari.

Masalmo 106:16

Se va di wugoveloni kwawe, va to bavela Mosi ni Aroni, msawuleki wa Mkoma.