Mitengo 15:8 - Bhiblia Yo Sawuleka

⁸ Sekoko, u txi ningela ngu dirole da didhuna kasi kumaha mphaxo wo hiswa, ni wo tatisa txixambanyo, mwendo mphaxo wa kuthutha masoni Mkoma;

Mitengo 15:8 Referans Kwoze

Levhi 3:1

Se ngako mningelo wakwe i di wa mhamb ya mpatano, ngu homu, wa sikota kuningela ka Mkoma matune mwendo mkati, aniko kulaveka i di so mbi na txibawa.

Levhi 1:3

Ngako a txi lava kuningela i ti mphaxo wo hiswa ka Mkoma ngu txihari txa hombe, a fanete kusawula matune wa kwa mbi na txibawa, e di yisa ha txikeni ka ditenda da msengeletano, kasiku eya mana kuamukeleka masoni ka Mkoma.

Levhi 1:9

Kambe va fanete kukuwula masembe ni maswondo a kona; se mphaxeli a na hisa sotshe siya ha txiluveloni; i mhamba yo hiswa, ya kubhumula ko tsakisa Mkoma.

Levhi 3:5

Se vanana va Aroni, va na si hisa sothseso ha txiluveloni, kumweko ni mningelo wo hiswa, wu wu no hiswa txitimwi ka tikhuni. Awu mningelo wu na hiswa kasi kudhumisa Mkoma, yi txi maha mhamba ya ku mtshakisa.

Levhi 22:21

Awule a lavako kumaha mningelo ka Mkoma, wa mhamba ya kuthutha, ngu txifuyo txa hombe mwendo txa txidotho, kasi kutatisa txithembiso txakwe, mwendo mhamba ya kuranda kwakwe, a fanete kuningela txifuyo txo hetiseka, txo mbi na wulima.

Mitengo 8:8

Sekoko ngu msana keto va na teka dirole da matune, kumweko ni mphaxo wa sakudya, i ku mpupu wo basa, awu wu nga kanyangelwa ngu mtona, ni dirole dimwani da mphaxo wa txionho.

Mitengo 15:7

amu ka mpimo wa wuraru wa hini wa vhinya, kasi kumaha mningelo wa sa kusela, u na ningela ngu so bhumula, asi si tsakisako Mkoma.

Mitengo 15:9

u na ningela didhuna da dirole kumweko ni mpimo wa wuraru wa sa wugumi sa mpupu wo tshura wo kanyangelwa ni diphikama ya hini ya mtona;

Mitengo 15:24

Ngako i di kuonha ngu phazamo, na msengeletano wu sa nga tiziva, se wotshe msengeletano wu na ningela didhuna da mningelo wo hiswa, wo bhumula, masoni ka Mkoma, ni mningelo wa sakudya, ni sa kusela, madingano ni txileleto txa kona; msengeletano wu na ningela ni mabhongwe, kasi kumaha mphaxo wa kona.