Mitengo 15:4 - Bhiblia Yo Sawuleka

⁴ sekoko awu a humisako mningelo wakwe ka Mkoma, ngu mningelo wa sakudya, a na ningela sawugumi, ngu mpupu wo basa, wo kanyangelwa, i ku mpimo wa wumune wa txibhembzana, mpimo wa mifarasa yimbiya ya mtona.

Mitengo 15:4 Referans Kwoze

Eksodha 29:40

Ngu txihambana txo khata u na ningela didhawa da wugumi da mpimo wa mpupu wo tsetsetwa ni kukanyangelwa ni didhawa da wumune da mpimo wa hini ya mtona wa miolivha wo surutetwa, ni dimwani didhawa da wumune da mpimo wa hini wa vhinya, kasi kumaha mningelo wa so sela.

Levhi 23:13

Se mningelo wa mhamba yo hiswa, kulaveka kumaha mningelo wa mtxhanu wa makilu ni mararu a mpupu wa wunene, wo vhuwa ni mtona, ti to wu txi hiswa ngu kudhumisa Mkoma, mhamba yiya njo bhumula, yi tsakisa mbilu yakwe; mhamba ya sa kusela, yi na va ya mmbamba wa vhinya.

Levhi 6:14

Mlayo wa mningelo wa sakudya ngu wuwa: Wu na ningelwa ngu mmweyo wa vanana va Aroni ka Mkoma, masoni ka txiluvelo.

Levhi 2:1

Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona.

Levhi 14:10

Ka ditshiku da wutxhanu ni mararu, a na teka sinvutana simbidi so mbi na txibawa, ni txinvutana txa dilembe dimwedo, txo mbi na txibawa, ni mipimo yiraru ka digumi da yona ya mpupu wo vhuvwa ni mtona, ku txi va i di mningelo wa sakudya, ni hafu ya mfarasa ya mtona.

Vahebheru 13:16

Mi nga divaleni kumaha ta tinene, mi txi abana ni vakwanu asi mi ku naso, nguko atiya ngu tona timhamba ti ti tsakisako Txizimu.

Varoma 15:16

yo ni maha txithumi txa Jesu Kristu hagari ka vamatiko, ani ni nga sawulwa ni txi mahwa mthumeli wa Evhangeli ya Txizimu, kasiku vamatiko ve va i di mningelo wa kutsakisa Txizimu, na wu di basisilwe ngu Moya wo Sawuleka.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Ezekhiyele 46:14

Kumweko ni mningelo wule, u na lulamisa mningelo wa sakudya ka Mkoma, mixo ni mixo, lipimo la wutxhanu ni limwelo la efa yimweyo, ni la mtona, lipimo la wuraru la hini, kasi ku patela ni mpupu; atxiya njileleto txa kwa mbi gwita, txo simama.

Isaya 66:20

Se va na wuyisa votshe vananu, va hagari ka otshe matiko, kasi kumaha mningelo ka Mkoma, na va di txitimwi ka mahantxhi, ni mu ka sikotxikani, ni mu ka misingo, ni txitimwi ka mamula, ni txitimwi ka mibhedhu, mmangoni kwangu ko sawuleka, kona Jerusalema, kuwomba Mkoma, kufana ni kuva vanana va ka Israyeli va txi tisa miningelo yawe ngu ka siya so basa, Nyumbani ka Mkoma.

Valamuli 9:9

Muolivha wu to xamula wu txi kha wona: Ani ni nga lekisa kutxani mtona wangu, awu wu dhundwako ngu Txizimu ni vathu, kasi ku ni txi ya fuma txitimwi ka yimwani mindonga kani?

Levhi 2:15

Se ngu txitimwi ka mningelo u na thela mtona, u sanzeka dibaselo; mningelo wa sakudya.

Levhi 1:13

Kambe ku na kuwulwa masembe ni maswondo, se ngu msana mphaxeli a na maha mningelo ngu sotsheso, ngu ku si hisa ha txiluveloni. I mhamba yo hiswa, mningelo wu fanelako kuhiswa, kasi kutsakisa Mkoma, ngu kubhumula ka wona.

Levhi 3:7

Ngako u txi ningela ngu txinvutana ka mningelo wako, tsula u ya txi ningela masoni ka Mkoma.

Mitengo 28:4

Ni mixo u na phaxa ngu txinvutana, ni minova u phaxa ngu tximwani txinvutana;

Mitengo 28:12

Se ni mpimo wa wuraru ka wugumi, wo kanyangelwa ni mtona, wa mningelo wa sakudya, ka dirole; ni mpimo wa wumbidi ka wugumi, wa mpupu wo tshura, wo kanyangelwa ni mtona, i ku mningelo wa sakudya, ka hamba;

Ezra 7:17

Maleyo u na xava ngu yona marole, sihambana ni sinvutana, ni miningelo ya kona ya sakudya ni ya kuhiswa, u txi ya si ningela txitimwi ka txiluvelo Nyumbani ka Txizimu txanu, txi txi zumbako Jerusalema.

Mitengo 7:13

Se mningelo wakwe i ti ti wa mbiya ya silivhela, ya kunemela ka 130 wa maxekele, ni mbiya ya silivhela, ni mtxhanu wa magumi ni magumi mambidi a maxekele, madingano ni maxekele a wukhalo wo sawuleka; ka totshe timbiya tatimbidi, ti di tate ngu mpupu wo kanyangelwa ni mtona, kasi kumana mningelo wa sakudya;

Mitengo 29:6

Hahanze ka mphaxo wa kuhiswa wa mtxima, ni mningelo wa kona wa sakudya, ni mphaxo wa kuhiswa wa yotshe mbimo, ni mningelo wa kona wa sakudya, ni sa kusela sa kona, madingano ni sileleto sa kona, mphaxo wo bhumula, mningelo wo hiswa, ka Mkoma.