Mitengo 15:35 - Bhiblia Yo Sawuleka

³⁵ Mkoma koko a to khene ka Mosi: “Eyo m'thu ti dingana ku e dawa; wotshe msengeletano wu na m'balisela ngu marigwi, hahanze ka wugovelo.”

Mitengo 15:35 Referans Kwoze

Mithumo 7:58

Se va to mruruvisa ve mu yisa hahanze ka didhoropa, veya mu balisela ngu marigwi. Tifakazi ti ti vekile tinguwo ta tona minengeni ka dijaha di di dhanwako ku i Sawule.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

Dhewuteronome 21:21

Sekoko vavamna votshe va didhoropa va na m'balisela ngu marigwi kala a txi fa. Ngu kumaha keto, u na heta wubihi hagari kwako, se votshe va ka Israyeli, ngako va txi tiengisa va na thava.

Levhi 24:23

Mosi a manekile a txi tsanisa timhaka tiya ka vanana va ka Israyeli. Se va manekile va txi mteka m'thu wule a nga ruketela va txi m'yisa hahanze ka wugovelo, veya m'balisela ngu marigwi a txi fa. Ngu toneto, vanana va ka Israyeli va to maha nga ti Mkoma a nga leletisa tona Mosi.

Levhi 20:2

Kambe u na khawe ka vanana va ka Israyeli : Ni wuhi ka vanana va ka Israyeli, mwendo mluveli wule a nga aka amu ditikoni ka va ka Israyeli, a no ningela mwanana wakwe, e maha mhamba ka Moloke, a na dawa; vathu va mu ditikoni va na m'balisela ngu marigwi.

Luka 4:29

Se va di khukhile, va to m'humisa hahanze ka didhoropa va txi mu yisa txitimwi ka mmango wu didhoropa dawe di nga ti aketwe ka wona, kasi kuya mu susumeta a txi wa hahatshi.

Levhi 20:27

Ngako wamwamna mwendo wamsikati a txi ya ka vanyamsoro, mwendo ka vanyatixolo, ngu ditshuri a fanete kufa, a na baliselwa ngu marigwi, mnoha wakwe wu na wa txitimwi kwakwe.

Mitengo 15:36

Sekoko wotshe msengeletano, wu to mndinda wu tsula nayo hahanze ka wugovelo, wu txi ya m'balisela ngu marigwi eza efa, madingano ni ti Mkoma, a nga leleta tona ka Mosi.